Zekaraya 10:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Zekaraya 10:11 ပူးပေါင်းရင်းမြစ်များ

Jẹnẹsis 8:1

Ẹkẹvuọvo Ọghẹnẹ da rhe karohọ Noa vẹ eranvwe rẹ aghwa na ejobi kugbe uchuru ejobi re vẹ ọye gba ro evun rẹ okọ na Ọghẹnẹ da vwẹ odju rhe nẹ o gbe dju enu rẹ akpọ na, ame na de rhi rhirẹn,

Ivie rẹ Ivẹ 2:14

Etiyin ọ da reyọ ukpo rẹ Ilaija ro she va abọ na, ọ da vwọ fa ame na, ọ da tanẹ, Tivọ Ọrovwohwo Ọghẹnẹ rẹ Ilaija na epha? Ọke rọ vwọ ghwiẹ ame na nu, ame na da hẹriẹ oma ẹkẹn ivẹ. Ilaesha da wan vrẹn.

Ivie rẹ Ivẹ 2:8

Ilaija da ghwiẹ ewun rọye nẹ oma, o de kpirho koko, ọ da vwọ ghwiẹ ame rẹ urhie na, ame na da hẹriẹ ẹkẹn ivẹ, bẹsiẹ rẹ ayen ihwo ivẹ na vwọ wan otọ yaya vrẹn.

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Une rẹ Ejiro 114:3

Abadi niri ọ da djẹ, Jọdan de rhivwi kpo uko.

Une rẹ Ejiro 114:5

Die ri kpokpo uwe, E abadi, ru wọ vwọ djẹ? E Jọdan, ru wo vwo rhivwi kpo uko?

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 19:16

Vwẹ ẹdẹ yena, ihwo rẹ Ijipt na ke cha họhọ eya, ke cha phariẹ vẹ oshọ vwọ kẹ obọ na rẹ Ọrovwohwo rẹ otuofovwi che kpogho phihọ ayen na.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 44:27

onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Izikiẹl 30:13

E nẹ Ọrovwohwo Ọghẹnẹ tare Me guoghọ ema na, mi phi oba phihọ ema re hẹ Mẹmfis, a gbe mrẹ osun vwẹ otọ rẹ Ijipt ọfa-a.

Zẹfanaya 2:13

Kọ riẹn obọ rọye kpahe ubrakpọ rẹ obenu na, kọ guọghọ Asiria; kọ ru Ninive phihọ ọfefe phrẹnphrẹn kerẹ atọn

Ẹvwọphia 16:12

Amakashe resan de ku udjokpo rọye phihọ urhie rode na Yufretis, ame rọye da kpọ yamu, rere ivie re hẹ obaro ọnre vwọ mrasan wan.