Zekaraya 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Me mrẹ ọshare ọvo vwẹ ason, nighe ọ gua iyesi ọvwavware ọvo! O mudia vwẹ ohri rẹ irhe vwẹ iyara ọhwahwa na; iyesi evwavware, iri mune-mune vẹ efuanfon he obuko rọye.

Zekaraya 1:8 ပူးပေါင်းရင်းမြစ်များ

Jẹnẹsis 20:3

Ẹkẹvuọvo Ọghẹnẹ de bru Abimẹlẹk rhe vwẹ evwerhẹ vwẹ ason, ọ da ta kẹ, Nighe, orivwi wọ epha na, fiki rẹ aye ru wọ reyọre na, kidie aye rẹ ohwo ọfa o ruẹ.

Jẹnẹsis 46:2

Ọghẹnẹ da ta ota kẹ Izrẹl vwẹ evwerhẹ vwẹ ason, ọ da ta, Jekọp, Jekọp o de nyo nẹ, Mẹvwẹ na.

1 Ivie 3:5

Vwi Gibeọn Ọrovwohwo da vwẹ oma phia kẹ Solomọn vwẹ evwerhẹ, vwẹ ason; Ọghẹnẹ da ta, Nọ obo re me vwọ kẹ wẹ.

Nehemaya 8:15

rere ayen rha vwọ phia re ayen ghwoghwo vwe irho rayen ejobi kugbe Jerusalẹm, Wa yanran kpo obo igbenu re itete na re vwirhi eghọn rẹ oliv rhe, oliv re aghwa, aphiri, ewanvwe, kugbe irhe efa re ve ẹbe gbidi ru vwo bon egarivi na, kirobo re siro.

ỌBE RẸ JOB 4:13

Vwẹ uherevie rẹ iroro rẹ evwerhẹ rẹ ason, rẹ okpovwerhẹ vwo mu ihwo,

Solomon 2:16

Ọnse mẹ na ọmẹ oruẹ mẹvwẹ je vwẹ ọrọye, o ro suẹn igodẹ rọye vwẹ ohri re idodo na.

Solomon 6:2

Ọ ro je vwe na kpo obo ogba rọye, re ni asan rọ kọn egẹn phihọ, ọ ra ghẹre igodẹ rọye vwẹ evun rẹ ogba, rere ọ kọrọ idodo.

Aizaya 41:19

Ki mi phi igẹdu phihọ evun rẹ aghwa, te ighwẹrughẹ, te ihophe, kugbe oliv, ki Mi che phi owangha phihọ evun rẹ atọn, tẹ iriẹ te egọrọ.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Daniẹl 2:19

Etiyin a da vwẹ otọ rẹ igbunu na phia kẹ Daniẹl vwẹ evun rẹ emramrẹ vwẹ ason. Etiyin Daniẹl de bruba kẹ Ọghẹnẹ rẹ odjuvwu.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Zekaraya 1:10

Eriyin ohwo ro mudia vwẹ ohri rẹ irhe na da kpahe, Enana otu rẹ Ọrovwohwo jiri nẹ iki akpọ na.

Zekaraya 1:11

Ayen ke kpahe kẹ amakashe rẹ Ọrovwohwo ro mudia vwẹ ohri rẹ irhe na, Avwanre ki akpọ na nure, gbe nighe, akpọ na ejobi epha riẹi.

Zekaraya 1:7

Vwẹ ẹdẹ ruje gbẹ ẹne re emẹranvwe rẹ ruhwọvo rọ dia emeranvwe rẹ Ọrianre, vwẹ ẹgbukpe rivẹ ri Dariọs, ota rẹ Ọrovwohwo de bru Zekaraya ọmọ rẹ Bẹrẹkaya, ọmọ rẹ Iddọ, ọmraro na rhe; Zekaraya da ta,

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Joshua 5:13

Ọke ri Joshua vwọ orhoma ri Jeriko, ọ da kpare opharo rọye vwo ni, nighere, ohwo ọvo mudia vwẹ obaro rọye vẹ ọlọkọ vwẹ obọ rọye; Joshua da yan bro ra ọ da ta kẹ nẹ, Wọ vẹ avwanre obọ vwo, gbenẹ wẹ ọvweghre rẹ avwanre?

Ẹvwọphia 2:1

Amakashe rẹ ishọshi rẹ Ẹfesọs ọye e si ọnana rhe. Eta rẹ ohwo rọ yọnre isio ighwrẹ na vwẹ obọrhe rọye, rọ yan vwẹ ohri rẹ igburhukpe rẹ oro ighwrẹ na.

Ẹvwọphia 6:2

Me da mrẹ, nighe, esi ọfuanfon, kugbe ohwo rọ gua de vwo umurhabọ; a da vwẹ erhu kẹ, ọ da yanran re phi o de phi kparobọ.

Ẹvwọphia 6:4

Esi ọfa da rhe, ọ pha vwavwanre gbagbagba; a da ta kẹ ohwo rọ gua na nẹ ọ reyọ ufuoma nẹ akpọ na, rere ayen nyavwe ohwohwo hwe; a da vwẹ ọlọkọ rode vwọ kẹ.