Zekaraya 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Zekaraya 1:6 ပူးပေါင်းရင်းမြစ်များ

Ivie rẹ Ivẹ 15:12

(Ọnana ive rẹ Ọrovwohwo re vwọ kẹ Jehu, Emọ wẹn che tidia ekete rẹ Izrẹl re te uvwiẹ rẹne. Ọ da ghinẹ phia.)

ỌBE RẸ JOB 6:29

Biko, gba rhẹrioma, wo rhe je ruẹ oruchọ-ọ Rhẹrioma asakiephana, ase mẹ ọye a lagha na.

Aizaya 21:17

ihwo ri chekọ re san ikpọi rẹ egba re emọ ri Kedar ejobi ke cha havwe; kidie Ọrovwohwo rẹ Ọghẹnẹ re Izrẹl, ọye re tarọ.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 26:15

Wa nabọ riẹn gbagba nẹ we de hwe vwe, yẹ ovwan che sun ọbara rẹ ọvwata te otọ kpahe oma rẹ ovwan vẹ enu rẹ orere nana kugbe ihwo re dia ejobi, kidie ghine uyota Ọrovwohwo ri ji vwe bru ovwan rhe nẹ me ta eta nana ejobi phihọ erhọn rẹ ovwan.

Jerimaya 28:17

Vwẹ ukpe yena, vwẹ emeranvwe righwrẹ Hananaya rẹ ọmraro na de ghwu.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 36:28

Reyọ ọbe ọfa re wo si eta rẹ ọbe rẹ ẹsosuọ phihọ, e ri Jehoiakim ovie ri Juda torhẹre na. Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si eta re ọbe rẹ ẹsosuọ phihọ, e re Jehoiakim ovie ri Juda tọrhẹre na.

Jerimaya 39:16

Yanran ta kẹ Ebẹdmẹlẹk rẹ ohwo rẹ Ẹtiopia na, Enẹ Ọrovwohwo rẹ otuofovwi, Ọghẹnẹ rẹ Izrẹl tare: Nighe mi che ru eta re me tare kpahe orere nana gba vwi fiki rẹ umiovwo ọ dia fiki rẹ erhuvwu-u, e che ru ayen gba vwẹ obaro wẹn vwẹ ẹdẹ yena.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 44:2

Enẹ Ọrovwohwo rẹ otuofovwi, Ọghẹnẹ rẹ Izrẹl, tare: Wa mrẹ umiovwo re me ghwarhe enu ri Jerusalẹm vẹ enu rẹ irere ri Juda ejobi, Nighe, none na ayen kẹ ofefe, ohwo rha dia aye-en,

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Jerimaya 44:29

Ọnana cha dia oka kẹ ovwan, eriyin Ọrovwohwo tare, nẹ mi che hwe ovwan vwẹ etinẹ na, rere wa vwọ riẹn nẹ eta mẹ ghine sẹ mu ovwan vwẹ ọ rẹ umiovwo.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 5:14

Vwe ọtiọye na enẹ Ọrovwohwo na tare, Ọghẹnẹ rẹ otuofovwi na: Fikirobo rẹ ayen vwọ ta ota nana na, nighe, mi che ru ota mẹ rọ hẹ unu wẹn phihọ erhanre ihwo nana kẹ urhe, erhanre na kọ tọrhẹ ayen.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Uvwerhe 3:42

“Avwanre gbe urhi avwanre ji mukpahọ, yi wo ji vwo ghovwo-o.

Izikiẹl 20:43

Oboyi wọ da cha karohọ idjerhe wẹn kugbe uruemu ejobi ru wo vwo miovwo oma wẹn, oma wẹn ko tu we oma fiki rẹ umwemu ejobi ru wo ruru.

Izikiẹl 37:11

Etiyin ọ da ta kẹ vwẹ, Ọmọ rẹ ohwo, ibeku nana hẹ uwevwi rẹ Izrẹl ejobi. Nighere, ayen ta nẹ, Ibeku rẹ avwanre yamu, iphiẹrohọ rẹ avwanre reri, e bru avwanre kufia.

Daniẹl 4:28

Enana ejobi da rhe phia kẹ Ovie Nebukadreza.

Hosia 5:9

Ifrem ko che hirhe phihọ erhurhu vwẹ ẹdẹ rẹ ojaẹriọ, vwẹ ohri rẹ uvwiẹ rẹ Izrẹl mi de ghwoghwo obo ri muẹro

Hosia 9:15

Umwemwu kumwemwu rẹ ayen vwẹ oma phia vwi Gilgal; etiyin oma rẹ ayen wan tu vwe cha na. Fiki rẹ obrabra rẹ uruemu rayen ke me djẹ ayen nẹ uwevwi mẹ. Me gbe guọnọ ayen ọfa-a; isun rayen na ihwo rẹ okpetu.

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.

Zekaraya 1:7

Vwẹ ẹdẹ ruje gbẹ ẹne re emẹranvwe rẹ ruhwọvo rọ dia emeranvwe rẹ Ọrianre, vwẹ ẹgbukpe rivẹ ri Dariọs, ota rẹ Ọrovwohwo de bru Zekaraya ọmọ rẹ Bẹrẹkaya, ọmọ rẹ Iddọ, ọmraro na rhe; Zekaraya da ta,

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

Ukeri 33:56

Ki mi ru we kirobo mi roro nẹ mi ru kẹ ayen.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Urhi Rivẹ 28:15

Ẹkẹvuọvo ọ da dianẹ ovwan rhe nyo urhuru rẹ Ọrovwohwo rẹ Ọghẹnẹ rẹ ovwan na eyẹ vwẹ oma kpotọ vwọ yọnrọn irhi rọye ejobi vẹ ẹgha rọye ri mi ji urhi rọye kẹ ovwan nonẹ na-a, ekan nana ejobi ki bru ovwan rhe ke je vwa ovwan.

Urhi Rivẹ 28:2

Ebruba nana ejobi ki bru ovwan rhe rhe vwa ovwan, ọ da dianẹ ovwan nyo urhuru rẹ Ọrovwohwo rẹ Ọghẹnẹ rẹ ovwan na.

Urhi Rivẹ 28:20

Ọrovwohwo kọ vwẹ ekan, te ozighi kugbe oma ẹlaghọ rhe enu rẹ emu kemu rẹ ovwan ruẹ ejobi, bẹsiẹ rẹ ovwan vwọ ghwọrọ phrẹphrẹphrẹ, vwi fiki rẹ uruemu omiomiovwi rẹ ovwan, fikiridie ovwan sen vwẹ.

Urhi Rivẹ 28:45

Ekan nana ejobi ki che bru ovwan rhe ke vwa ovwan, bẹsiẹ wọ vwọ ghwọrọ, fikiridie ovwan nyo urhuru rẹ Ọrovwohwo rẹ Ọghẹnẹ ovwan, ro ovwan da yọnrọn irhi vẹ ẹgha rọye ro ji kẹ ovwan na-a.

1 Tẹsalonaika 5:4

Ẹkẹvuọvo imoni, ovwan rha hẹ evun rẹ ebri-i, rẹ ẹdẹ na vwọ ro ovwan kpregede kerẹ oji.