Zekaraya 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Esẹ rẹ ovwan na, kẹ rho? Kugbe emraro na, kẹ ayen sa dia bẹdẹ?

Zekaraya 1:5 ပူးပေါင်းရင်းမြစ်များ

Ivie rẹ Ivẹ 13:14

Asakiephana ọke rẹ Ilaesha vwọ họnvwan ọga ro che vwo ghwẹ, Joash ovie rẹ Izrẹl de bro ra, ọ da viẹ vwẹ obaro rọye, tanẹ, Ọsẹ mẹ, ọsẹ mẹ ekpẹrẹ rẹ Izrẹl kugbe ituofovwi rọye.

Ivie rẹ Ivẹ 13:20

Ọtiọye Ilaesha de ghwu, ayen de sho. Ihwo ri Moab ke cha imu vwẹ otọ na vwẹ ọke evwru.

Une rẹ Ejiro 90:10

Ikpe rẹ akpọ rẹ avwanre ujorha gbe ihwe, eyẹ ọkeọvo ugbegangan o vwo te ujọne, dede na ẹdẹ rẹ akpọ rayen vọnre vẹ omaesuo vẹ ukpokpogho; nananana ayen wanvrẹn nure, avwanre ke rhan yanran

Aghwoghwo 1:4

Uvwiẹ kpo, uvwiẹ cha ẹkẹvuọvo akpọ na herọ bẹdẹ.

Aghwoghwo 12:5

rẹ obo ri kpenu vwo mu ayen oshọ rẹ uguegue da he idjerhe; urhe rẹ orhomrẹ da kpa ipho, rẹ abaka na de kpono yanran rẹ ẹguọnọ de re, kidie ohwo yanran kpo uwevwi rọye ri bẹdẹ, yẹ otu rẹ uvweri na re beroma vwẹ irhuvwu.

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

Jerimaya 36:28

Reyọ ọbe ọfa re wo si eta rẹ ọbe rẹ ẹsosuọ phihọ, e ri Jehoiakim ovie ri Juda torhẹre na. Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si eta re ọbe rẹ ẹsosuọ phihọ, e re Jehoiakim ovie ri Juda tọrhẹre na.

Uvwerhe 5:7

Esẹ rẹ avwanre ru imwuemwu, ayen gbe herọ-ọ avwanre ke ghwa oghwa rẹ orukuruku rayen.

Iyẹnrẹ Esiri ri Jọn 8:52

Ihwo ri Ju da ta kẹ, Asakiephana avwanre riẹnre nẹ wo vwo idẹbono. Ebraham ghwuru, ọtiọye je hẹ emraro na; yu wọ ta nẹ, Ohwo da sẹro rẹ eta mẹ, ọ gbe davwe ughwu bẹdẹ-ẹ

Iruo rẹ Iyinkọn na 13:36

Kidie Devid, vwọ ga iroro rẹ Ọghẹnẹ vwẹ ọke rọye nu o da vwerhẹ, e de sho kugbe esẹ rọye, ọ da mrẹ egbo;

Hibru 9:27

Kirobo re bru ẹdẹ nẹ ohwo rẹ akpọ ẹsiẹvo o ghwẹ, ọyena da wan nu kẹ ẹdjọeguo,

1 Samuẹl 25:1

Asakiephana Samuẹl de rhi ghwu; Izrẹl ejobi da ghwẹ koko rhe viẹ, ayen de sho phihọ uwevwi rọye vwi Ramah. Etiyin Devid vrẹnri ọ da yanran kpo aghwa ri Paran.