Zekaraya 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ayen ke kpahe kẹ amakashe rẹ Ọrovwohwo ro mudia vwẹ ohri rẹ irhe na, Avwanre ki akpọ na nure, gbe nighe, akpọ na ejobi epha riẹi.

Zekaraya 1:11 ပူးပေါင်းရင်းမြစ်များ

ỌBE RẸ JOB 1:7

Ọrovwohwo da ta kẹ Ẹdjọ, Bovọ wọ nurhe vwo? Ẹdjọ da kpahe kẹ Ọrovwohwo nẹ, Me de yan kpuko kparo kpenu kpotọ vwẹ evun rẹ akpọ na.

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Aizaya 14:7

Akpọ na ejobi kọ fọfọ riẹi, ayen ejobi va ro ine ẹsuọ.

Daniẹl 10:20

Etiyin ọ da ta wọ riẹn obo ri mi vwo bru we rhe? Ẹkẹvuọvo asakiephana mi che rhivwi ra họnre osun ri Pẹsha, Me vọye de ru nu, nighe, osun ri Grik cha rhe.

Zekaraya 1:10

Eriyin ohwo ro mudia vwẹ ohri rẹ irhe na da kpahe, Enana otu rẹ Ọrovwohwo jiri nẹ iki akpọ na.

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Zekaraya 1:8

Me mrẹ ọshare ọvo vwẹ ason, nighe ọ gua iyesi ọvwavware ọvo! O mudia vwẹ ohri rẹ irhe vwẹ iyara ọhwahwa na; iyesi evwavware, iri mune-mune vẹ efuanfon he obuko rọye.

Zekaraya 6:7

Ọke rẹ iyesi na vwọ yan rhe re, ayen ke pharhoma re ayen vwo ki akpọ na. Ọ da ta, yanran re ki akpọ na. Eriyin ayen de ki akpọ na.

Matiu 13:41

Ọmọ rẹ ohwo ko che ji emakashe rọye ro akpọ na, ayen kẹ cha sanọ ihwo ri kpokpo uvie rọye nẹ akpọ na kugbe ihwo ri ruẹ imwemwu koko,

Matiu 13:49

Ọtiọye ọ cha dia vwẹ oba rẹ akpọ na; emakashe ke cha rhe, ke cha sanọ evwata nẹ ohri rẹ iruimwemwu.

Matiu 25:31

Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

2 Tẹsalonaika 1:7

rere ọ rha vwẹ omaerovwo kẹ avwanre vẹ ovwan re hẹ ukpokpogho na, vwẹ ọke ra da cha vwẹ Ọrovwohwo Jesu vẹ emakashe rọye ride na re la kerẹ ẹkuerhanre phia nẹ odjuvwu rhe,

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,