Zẹfanaya 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Zẹfanaya 3:9 ပူးပေါင်းရင်းမြစ်များ

Jẹnẹsis 11:1

Asakiephana akpọ na ejobi kẹ ephẹrẹ ọvo kugbe emeta tutuno.

Jẹnẹsis 4:26

Sẹt de rhe vwiẹ ọshare re se odẹ rọye Inọsh. Vwẹ ọke yena yẹ ihwo ghwe mu odẹ rẹ Ọghẹnẹ ese obọ.

Une rẹ Ejiro 113:3

Nẹ ẹvacha rẹ ọnre rẹ te eshe kpotọ rọye odẹ rẹ Ọrovwohwo na ọye e jiri!

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Aizaya 19:18

Vwẹ edẹ yena irere iyori cha dia vwẹ otọ rẹ Ijipt na re cha jẹn ephẹrẹ ri Kenan ke cha vwẹ uyovwi te otọ kẹ Ọrovwohwo rẹ otuofovwi na Ọvo vwẹ usun rayen ke che se nẹ Orere rẹ Ọnre.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Aizaya 6:7

O de vwo te unu mẹ o da ta: Nighere, Ọnana te ẹbẹrunu wẹn re; abe wẹn a kpaherọ kufia, a vwẹ umwemwu wẹn ghovwo uwe

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Izikiẹl 37:17

Re wọ tan ayen kugbe phihọ ubiurhe ọvuọvo, re ayen dia ọvo vwẹ obọ wẹn.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Matiu 12:35

Ohwo esiri vwenẹ, emu esiri ro vwori ọ vwọ kẹ ihwo; ohwo ọbrabra vwenẹ, emu obrabra rọ vwori ọye ọ je vwọ kẹ Ihwo rhe.

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.