Zẹfanaya 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Zẹfanaya 3:8 ပူးပေါင်းရင်းမြစ်များ

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Une rẹ Ejiro 62:1

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ; ọye esivwo mẹ nẹ obọ rọye cha.

Une rẹ Ejiro 62:5

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ, kidie iphiẹrohọ mẹ obọ rọye o nẹ cha.

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Une rẹ Ejiro 79:6

Ku ivuemiovwo wẹn ku irere na re riẹn wẹ-ẹn na, kugbe uvie na ri ji se odẹ wẹn na-a!

Isẹ 20:22

Wọ vwẹ evun tanẹ, Me cha choja rẹ umwemwu yena-a; hẹrhẹ Ọrovwohwo na, ọye ọvo cha chọ wẹ uko.

Solomon 8:6

Gbe ku vwe kerẹ isa phihọ udu wẹn, gba gba vwẹ mu obọ kerẹ evwarha; kidie ẹguọnọ pha gangan kerẹ ughwu; omẹriọ pha brabra kerẹ ushi. O muẹ la kerẹ erhanre, ogidi erhanre rode gangan.

Aizaya 14:26

Ọnana kọye iroro ra jẹre vwọ kpahe akpọ na ejobi; Ọnana kọye obọ rọ riẹn phia vwọ kpahe irere na ejobi.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 34:2

Kidie ophu mu Ọrovwohwo kpahe ẹgborho na ejobi, ophu djọghọ djogho kpahe usun re otu rayen, ọ vwe ughwu ke ayen nure, o siobọ ne ayen ke ehwe

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Hosia 12:6

Ọtiọye owẹ, vwẹ ọchuko rẹ Ọghẹnẹ wẹ, rhivwi rhe, yọnrọn ẹguọnọ vẹ ọsoso gan, re wọ hẹrhẹ Ọghẹnẹ wẹn kọke kọke.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Matiu 25:32

Ka cha ghwẹ ẹgborho rẹ akpọ na ejobi koko obaro rọye; ko hẹriẹ ayen ohwohwo nohwo kerẹsiẹ rẹ osuigodẹ a da hẹriẹ igode nẹ usun rẹ ẹvwe.

2 Pita 3:10

Ẹkẹvuọvo ẹdẹ rẹ Ọrovwohwo na cha kerẹ oji, etiyin idjuvwu na ke cha wanvrẹn vẹ edo rode, ekuakua re herọ, ke cha wran vwẹ evun rẹ erhanre, te akpọ na kugbe iruo re herọ ke cha torhẹ kufia.

Ẹvwọphia 16:1

Etiyin mi de nyo urhuru rode ọvo vwẹ uwevwi rẹ ẹga na rọ ta kẹ emakashe ighwrẹ na, Yanran re ku idjokpo ighwrẹ rẹ ophu rẹ Ọghẹnẹ na phihọ akpọ na.

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.