Zẹfanaya 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Zẹfanaya 3:6 ပူးပေါင်းရင်းမြစ်များ

Aizaya 14:26

Ọnana kọye iroro ra jẹre vwọ kpahe akpọ na ejobi; Ọnana kọye obọ rọ riẹn phia vwọ kpahe irere na ejobi.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Jerimaya 9:12

Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Zẹfanaya 2:5

Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Matiu 23:38

Nighe me yan jẹ uwevwi rẹ ovwan vwo ofefe.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

1 Kọrẹnt 10:6

Asakiephana imu nana a tanẹ avwanre kẹnoma kẹ, nẹ avwanre rhe nenesi rẹ emu ọbrabra kirobọ rẹ ayen ruru-u.

Joshua 23:4

Nighere, me ghare ẹgborho ri chekọ na utute kẹ erua rẹ ovwan re ọ dia ẹkẹn uku rẹ ovwan, vwọ ba ẹgborho ri mi bru kufia nure na, nẹ Jọdan re te Abadi Rode na vwẹ obuko ọnre.