Zẹfanaya 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Zẹfanaya 3:3 ပူးပေါင်းရင်းမြစ်များ

Isẹ 28:15

Kirobo rẹ okpohrokpo ro denu eyẹ edjẹnẹkpo rọ djọma epha, eriyin ohwo umwemwu ro suẹn ivwioghere epha.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 23:11

Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Jerimaya 34:19

Isun ri Juda, isun ri Jerusalẹm, eghwanra na, irherẹn na, vẹ ihwo rẹ otọ na ejobi re wan uherevie rẹ ọmọ rẹ erhuẹn ra vare na vrẹn,

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Izikiẹl 22:6

Nighe, isun rẹ Izrẹl re hẹ evun wẹ, ohwo ọvuọvo vẹ obo rẹ ogangan rọye teri ghwe mu kpahe ọbara esuo.

Izikiẹl 33:26

Wo gbobọ phihọ oda, wo ruẹ ẹgua ovwan ohwohwo gbe aye rẹ ọrivẹ rọye ẹgua, kọye wa cha vwọ re ughwẹ rẹ otọ na?

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.