Zẹfanaya 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Zẹfanaya 3:17 ပူးပေါင်းရင်းမြစ်များ

Jẹnẹsis 1:31

Ọghẹnẹ da mrẹ emu kemu rọ mare na, nighe, oyovwiri gangan Te ovwọnvwọn te irhiọke da dia ẹdẹ resan.

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.

Jẹnẹsis 2:2

Vwẹ ẹdẹ rẹ ighwrẹ iruo rẹ emama rẹ Ọghẹnẹ ruru ejobi de rhi re, o de rovwoma vwẹ ẹdẹ rẹ ighwrẹ na vwẹ enu rẹ iruo ro ruru.

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 78:65

Etiyin Ọrovwohwo da rhọvwọ rhe kerẹsiẹ ra vwerhẹ, kerẹ ọgba rọ kperẹ vwẹ ọke rẹ udi de muo.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 18:4

Kidie enẹ Ọrovwohwo ta kẹ vwe; Me cha jomaotọ dia adia mẹ de ni kerẹ oghẹruvo rọ nabọ fiotọ, kerẹ ukori rẹ evwru vwẹ ọke orho.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Aizaya 65:19

Me ghọghọ vwẹ oma ri Jerusalẹm, oma rẹ ihwo Mẹ ke vwerhe ovwẹ, e gbi nyo umri rẹ ovie vwẹ evun rọye-e kugbe ekpere rẹ enu ebro-o.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Joẹl 2:21

Wọ djẹ oshọ-ọ, E otọ; ghọghọ re omavwerhe owẹ, kidie Ọrovwohwo ru okpemu rode!

Zẹfanaya 3:15

Ọrovwohwo si orhiẹ rẹ obruhwe we nẹ uwe oma, ọ djẹ ivwighrẹ wẹn nẹ uwe oma Ovie rẹ Izrẹl na, Ọrovwohwo na, ọ hẹ uherevie wẹn, wọ gbe djẹ oshọ rẹ umiovwo ọfa-a.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Ukeri 14:8

Ọ da dianẹ oma rẹ avwanre vwerhe Ọrovwohwo, ọ sa reyọ avwanre rhe otọ na rọ da vwọ kẹ avwanre, otọ rọ djẹ ọkẹre rẹ ameivie kugbe ọnyọn.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Iyẹnrẹ Esiri ri Jọn 13:1

Asakiephana tavwe rẹ orẹ rẹ Ewanvrẹn ki rhi te, ri Jesu vwọ riẹn nẹ ọke rọye vwo nẹ akpọ na bru Ọsẹ na ra tere, rọ vwọ guọnọ erobọ rọye re hẹ akpọ na, ọ da guọnọ ayen te oba.

Iyẹnrẹ Esiri ri Jọn 15:11

Imu nana me ta kẹ ovwan, rere aghọghọ mẹ vwọ sa dia evun rẹ ovwan, rere aghọghọ rẹ ovwan yena vwọ vọn.

Urhi Rivẹ 23:15

Ọviẹn rọ djẹ nẹ obọ rẹ ọrovworo bru we rhe wo vwo rhivwi rhe ọrovworo-o;

Urhi Rivẹ 30:9

Ọrovwohwo rẹ Ọghẹnẹ rẹ ovwan kọ nẹrhẹ iruo rẹ obọ rẹ ovwan ejobi yovwi vwẹ emamọ rẹ oma rẹ ovwan vẹ emamọ rẹ uchuru rẹ ovwan, kugbe emamọ rẹ otọ rẹ ovwan; kidie Ọrovwohwo cha vwẹ oma avwerhe ruẹ ovwan yovwẹ, kirobo ro vwo avwerhe vwẹ oma rẹ esẹ rẹ ovwan,

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.