Zẹfanaya 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwẹ ẹdẹ yena kọ ta kpahe Jerusalẹm, wọ djẹ oshọ-ọ, E Zayọn, wọ jẹn abọ rhọ wẹ-ẹn.

Zẹfanaya 3:16 ပူးပေါင်းရင်းမြစ်များ

ỌBE RẸ JOB 4:3

Nighe, wo yono ihwo buebu, wọ da vwẹ ogangan kẹ abọ re lọhọre.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Joẹl 2:21

Wọ djẹ oshọ-ọ, E otọ; ghọghọ re omavwerhe owẹ, kidie Ọrovwohwo ru okpemu rode!

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Zekaraya 8:15

ọtiọye rhe Me jẹ iroro vwẹ ẹdẹ nana mi vwo ru Jerusalẹm vẹ uwevwi ri Juda yoyovwi; wọ djẹ oshọ-ọ.

Iyẹnrẹ Esiri ri Jọn 12:12

Vwẹ ẹdẹ rivẹ na ihwo buebu na re rhe orẹ na de nyo nẹ Jesu cha Jerusalẹm.

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

Galesha 6:9

E jẹn oma rẹ iruo esiri rhọ avwanre-e, kidie vwẹ ọmọke wobọ avwanre che vun, ọ da dianẹ. uvwerhi gbe ro avwanre-e.

Ẹfesọs 3:13

Fiki rẹ ọtiọye na we gbi jẹ oma rhọ ovwan fiki rẹ oja re me ria kẹ ovwa-an, ọye hẹ ejiro rẹ ovwan.

Hibru 12:12

Fiki rẹ ọtiọye na gba kpare abọ rẹ ovwan ri gbe phihọ otọ na kpenu, ovwan riẹn igbo rẹ ovwan ri Sida na,

Ẹvwọphia 2:3

Wo de vwo erhiori wo de chirako fiki rẹ odẹ mẹ, oma sa ghwọrọ owẹ-ẹ.