Zẹfanaya 3:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zẹfanaya 3:13 ပူးပေါင်းရင်းမြစ်များ

2 Ikun rẹ Ivie 20:30

Ọtiọye na otọ ri Jehoshafat suẹn da rhe fọ, kidie Ọghẹnẹ vwẹ omaerovwo vwọ riariẹ phihọ.

ỌBE RẸ JOB 11:19

Ku wo shevwerhe te otọ, ohwo ọvuọvo gbe djẹ oshọ mu we-e, ihwo buebu ke cha guọnọ ẹroesiri wẹn.

Une rẹ Ejiro 119:3

I ri ruẹ oruchọ-ọ, ẹkẹvuọvo re yan phihọ evun rẹ idjerhe rọye!

Une rẹ Ejiro 120:2

Sivwi uvwe, E Ọrovwohwo, nẹ ẹbẹrunu rọ vwọrọ efian, ne ẹrenvwe rọ phiẹn ohwo.

Une rẹ Ejiro 120:3

Kidie a vwọ kẹ wẹ? Kidie ọfa e rhe ru kẹ wẹ, wẹwẹ ẹrẹnvwe rọ phiẹn ohwo na?

Une rẹ Ejiro 23:2

Ọ vwẹ ovwẹ sherhẹ omamọ rẹ odi o de sun vwe wan oma rẹ ame djidji,

Aizaya 17:2

Ka kua nẹ irere rọye bẹdẹ; ke cha dia ẹdia rẹ igodẹ, ri che sherhẹ te otọ, ohwo ọvuọvo gbe djẹ oshọ mu aye-en.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 63:8

Kidie ọ tare, Uyota ihwo mẹ ayen ruẹ, emọ ri jẹ ogbarogba eruo, ke ọye rhe dia Osivwi rayen.

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Jerimaya 23:4

Me cha vwẹ isuigegede re vwẹ ẹro te ayen mu kẹ ayen, oshọ rhe mu ayen ọfa-a, udu gbi bru aye-en, ọvuọvo gbi ghwru no-o, eriyin Ọrovwohwo tare.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Izikiẹl 39:26

Omẹvuọ rayen kọ chọrọ ẹro, kugbe emu rẹ ophiẹvwe ejobi re ayen ru kpahe ovwẹ, vwẹ ọke rẹ ayen da dia dẹndẹn vwẹ otọ rayen na rẹ ohwo ọvuọvo gbe sa djẹ oshọ mu aye-en,

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Joẹl 3:21

Ki mi reihri rẹ ọbara rayen, Me cha hworhẹ ihwo rẹ abe-e, kidie Ọrovwohwo na re dia Zayọn.

Livitikọs 26:6

Ke Me cha vwẹ ufuoma vwọ kẹ otọ na ejobi, ovwan de shevwerhẹ, emu kemu ọvuọvo rhe bru ovwan udu-u, ki mi si eranvwe re djoma nẹ otọ na, e gbi rhe phi ofovwi vwẹ otọ rẹ ovwan na-a.

Maika 4:4

ẹkẹvuọvo dohwo dotọ ri vain kugbe fig rọye ki che tidia, ohwo ọvuọvo gbe djẹ oshọ mu aye-en, kidie unu rẹ Ọrovwohwo re otuofovwi na tarọ nure.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Zekaraya 8:12

Kidie ekọn rẹ ufuoma cha dia, vain cha mọ emamọ rọye, otọ na cha ghwẹ ebuo rọye rhe, idjuvwu che rho irho ki mi che ru imihwo ri chekọ vwọ reuku rẹ emu nana ejobi

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Matiu 13:41

Ọmọ rẹ ohwo ko che ji emakashe rọye ro akpọ na, ayen kẹ cha sanọ ihwo ri kpokpo uvie rọye nẹ akpọ na kugbe ihwo ri ruẹ imwemwu koko,

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Kolose 3:9

Wa vwọnrọn efian kẹ ohwohwo-o, kidie ovwan siobọ nẹ ohwo rẹ awanre na vẹ uruemu rọye ejobi nure.

1 Pita 3:14

Ẹkẹvuọvo ọ da dianẹ ovwan reoja vwi fiki rẹ ọvwata, ke bruphihọ kẹ ovwan. Wa djẹ oshọ rẹ aye-en, eyẹ we bru udu-u,

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.

Ẹvwọphia 14:5

A mrẹ ofian vwẹ unu raye-en, kidie ayen vwo upe-e.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.