Zẹfanaya 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Zẹfanaya 3:12 ပူးပေါင်းရင်းမြစ်များ

Ezra 9:8

Ẹkẹvuọvo vwẹ ọmọke krẹn nana Ọrovwohwo Ọghẹnẹ rẹ avwanre da vwẹ aroesiri rọye vwo nẹ avwanre, o de ji umuku vwo kẹ avwanre, ọ da kẹ avwanre asan kokoroko vwẹ asan ọfuanfon rọye, rere Ọghẹnẹ rẹ avwanre vwọ sasa ẹro rẹ avwanre re ọ je kẹ avwanre oma ẹsasọ vwẹ ọviẹn rẹ avwanre epha na.

Une rẹ Ejiro 37:40

Ọrovwohwo cha ayen uko o mi sivwi ayen, o sivwi ayen nẹ obọ rẹ ihwo umwemwu, ọ me sẹro rẹ ayen, kidie ayen si oma nu vwe evun rọye.

Aizaya 14:30

Emekpako rẹ ivwiogbere ke re emu, e ra akpọ bẹn ki sherhẹ vwẹ egbemọphẹ, ẹkẹvuọvo ke me vwẹ owẹvwe hwe esiri wẹn umuku wẹn ri chekọ ki mi hwe ayen.

Aizaya 14:32

Kidie ohwo ọvo kpahe kẹ iyinkọn rẹ irere na? Ọrovwohwo re vwe obọ rọye fan Zayọn ihwo rọye re mu kpahe kẹ evun rọye e da djẹrhọ.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Jerimaya 17:7

Ebruba kẹ ohwo rọ vwẹ ẹro so Ọrovwohwo, rẹ iphiẹrohọ rọye hẹ evun rẹ Ọrovwohwo.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Izikiẹl 6:8

Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Zekaraya 11:11

Ọtiọye e miovwiro vwẹ ẹdẹ yena ineki rẹ igodẹ, otu re rhẹrẹ ovwẹ jovwo na, riẹnre nẹ ọye ota rẹ Ọrovwohwo.

Zekaraya 11:7

Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 12:21

Odẹ rọye Ikeferi na ejobi cha vwẹ ẹro so.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.