Zẹfanaya 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ekan kẹ ọ ro muẹkpahe ihwo ro gbe ihwo kuẹ orere rẹ oshenyẹ na!

Zẹfanaya 3:1 ပူးပေါင်းရင်းမြစ်များ

Aizaya 30:12

Eriyin na enẹ Ọfuanfon Ọvuọvo rẹ Izrẹl na tare, Fikiridie wọ jẹn ota nana fia, wọ da vwẹ ẹro so oshenyẹ vẹ otaephre, wọ da vwẹ oma kpahe ayen;

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 59:6

Uwevwi rayen che je vwo ru amwa-a; ihwo sa vwẹ amwa ra vwẹ ayen ru phopho-o. Iruo rayen iruo rẹ umwemwu, uruemu rẹ ozighi vọn abọ rayen.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 5:23

Ẹkẹvuọvo ihwo nana vwo udu ọgangan ra vwọ chọ urhi, ayen chuko ku ayen da yanran.

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Jerimaya 6:7

Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Izikiẹl 22:29

Ihwo re otọ na yono obọ ra ghwa ihwo ria ayen ki rhe gborho ihwo vwẹ idjerhe, ayen shenyẹ ivwiogbere kugbe ihwo rẹ akpọ bẹn, ayen da karhiẹn igho mie erhorha ri vwo ohwo re chọ ọchọ raye-en.

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Izikiẹl 23:30

rọ ghwẹ ọnana bru we rhe, fikiridie wọ vẹ ẹgborho na gbe igberadja, wọ da vwẹ edjọ rayen gbe oma wẹn ẹgua.

Livitikọs 1:16

Ọ mi si ekpo ohọre rọye vẹ iphoro rọye no, ọ Me ghwe ayen phihọ orhoma rẹ agbada na vwẹ obaro ọnre vwẹ asan ra ghwe iwurhie phihọ,

Emọs 3:9

Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye.

Emọs 4:1

Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

Maika 2:2

Udju re ohwo ọfa da ayen ẹro, ayen mi gborho ayen, iwevwi re ayen, ayen Me ghwẹ ayen reyọ; ayen shenyẹ ohwo vẹ uwevwi rọye, ohwo vẹ uku rọye.

Zekaraya 7:10

we shenyẹ ayeuku-u, we shenyẹ ọmọphrorivwi-i we shenyẹ ọrharha-a, eyẹ ogbere-e, e jẹn ohwo ovuọvo jẹ iroro umwemwu kpahe omoni rọye vwẹ udu rẹ ovwa-an.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.