Zẹfanaya 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Zẹfanaya 2:9 ပူးပေါင်းရင်းမြစ်များ

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Jerimaya 46:18

Kirobo me herọ na, eriyin Ovie na tare, Ọ rẹ ọde rọye hẹ Ọrovwohwo rẹ otuofovwi na, kerẹ Tabọ vwẹ ohri rẹ igbenu na, je kerẹ Kamẹl vwẹ oma rẹ abadi na, ọvo cha rhe.

Jerimaya 48:1

Kpahe Moab,. Enẹ Ọrovwohwo rẹ otuofovwi, Ọghẹnẹ rẹ Izrẹl tare: Ekan ki Nebo, kidie a ghwọerọ a vwẹ ọmavovwẹ kẹ Kiriataim, a reyerọ; ọgba na a vwẹ rọ jehwẹ a ghwọerọ te otọ;

Jerimaya 49:1

Vwọ kpahe ihwo rẹ Amọn, Enẹ Ọrovwohwo tare: Izrẹl rhe vwo emọ-ọ? O vwo ọreuku-u? Die rha suọ ri Milkọm vwọ kua ihwo ri Gad, re ihwo rọye vwo yere vwẹ irere rọye?

Jerimaya 49:18

Kerẹ ọke ra vwọ ghwọrọ Sodọm vẹ Gomora vẹ irere re kẹrẹ ayen na, eriyin Ọrovwohwo tare, ohwo cha dia etiyi-in, ohwo cha yan vwọ-ọ.

Jerimaya 49:33

Hazọ che hirhe phihọ ẹdia rẹ ẹrha asan ofefe bẹdẹ; ohwo cha dia-a, ohwo cha sa ya vwọ-ọ.

Jerimaya 50:40

Kirobo rẹ ọke rẹ Ọghẹnẹ vwo gere Sodọm vi Gomora vẹ irere re kẹrẹ ghwiotọ ye, eriyin Ọrovwohwo tare, ọtiọye ohwo gbe sa dia etiyi-in, ọmọ rẹ ohwo rha yan vwọ-ọ.

Emọs 1:13

E nẹ Ọrovwohwo na tare: Fiki rẹ ogbeku erha rẹ ihwo rẹ Amọn, ji kugbe ẹne, Me gbe sa rhan unu rẹ ehwe na-a, fikiridie ayen hẹrẹ evun rẹ eya vẹ evun vwi Gilead, rere ughwru rayen vwọ rho phihọ.

Emọs 2:1

E nẹ Ọrovwohwo na tare. Fiki rẹ ogbeku erha ri Moab, ji kugbe ẹne, Me gbe sa rhan unu rẹ ehwe na-a, fikirdie ọ torhẹ ibeku rẹ ovie rẹ Idọm hirhe phihọ Iwurhie.

Zẹfanaya 2:14

Ekru rẹ eranvwe ki rhuẹn te otọ vwẹ uherevie rọyẹ, ẹranvwe rẹ aghwa na ejobi; Ye udele kugbe ọrigbẹn okukughu kọ che bo vwẹ evakpo na, okpemu ko che kpẹri vwẹ ibara; kidie ke che rhie omamọ rẹ igẹdu rọye na phihọ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Ukeri 14:21

ẹkẹvuọvo vwẹ ọ rẹ uyota, kirobo re me herọ na, kirobo rẹ akpọ na ejobi cha vọn vẹ urinrin rẹ Ọrovwohwo na,

Ọbe ri Pọl si rhe Ihwo ri Rom 14:11

kidie e siro, Kirobo re me herọ na eriyin Ọrovwohwo tare, mẹvwẹ ohwo kohwo ejobi che diguẹ kẹ, unu kunu ejobi ko che jiri Ọghẹnẹ.

Urhi Rivẹ 29:22

Ji kugbe edje rọ cha, emọ wẹn re cha vwẹ obuko wẹn kugbe ọrhorha ro nẹ isiorho rhe, cha ta, vwẹ ọke rẹ ayen da mrẹ ukpokpogho rẹ otọ na kugbe emiavwe rẹ Ọrovwohwo cha vwọ họnre otọ na,

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,