Zẹfanaya 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zẹfanaya 2:5 ပူးပေါင်းရင်းမြစ်များ

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 14:30

Emekpako rẹ ivwiogbere ke re emu, e ra akpọ bẹn ki sherhẹ vwẹ egbemọphẹ, ẹkẹvuọvo ke me vwẹ owẹvwe hwe esiri wẹn umuku wẹn ri chekọ ki mi hwe ayen.

Jerimaya 47:7

Mavọ o ru fọ gbiei, vwẹ ọke rẹ Ọrovwohwo jiji kẹ! Kpahe Ashkẹlọn kugbe erhuru rẹ abadi na o bru ẹdẹ na nure.

Izikiẹl 25:16

fiki rẹ ọtiọye na e nẹ Ọrovwohwo Ọghẹnẹ tare, Nighe, ke me riẹn obọ mẹ vwọ kpahe ihwo ri Filistia, ke me fian ihwo ri Kẹrẹt kufia, ka guọghọ erhuru rayen ri chekọ.

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Emọs 5:1

Nyo ota nana ri mi vwerhe oma rọye keẹ wẹ na, E uwevwi rẹ Izrẹl.

Zẹfanaya 1:11

Beroma, E ihwo re dia obo Maktesh! Kidie ineki na ejobi gbe herọ-ọ; ihwo re vwanvwẹ idọnọ efuanfon ejobi a nyavwẹ ayen kufia.

Zẹfanaya 3:6

Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Iyẹnrẹ Esiri ri Mak 12:12

Ayen ke guọnọ muẹ ẹkẹvuọvo oshọ re otu na de mu ayen, kidie ayen rori nẹ o kpe itẹ na kẹ ayen; ayen da yan jovwo yanran.

Joshua 13:2

Ọnana kọye otọ ro ji chekọ: ubrakpọ ri Filistia ejobi, kugbe ubrakpọ re ihwo ri Geshur.

Joshua 13:3

(Nẹ Shihọr rọ he obaro ọnre re Ijipt, vwe obọhwere ọnre rhiri re te Ekron, e kere phihọ kẹ ihwo ri Kenan, isun iyori ihwo ri Filistia vwori, osun ri Gaza, Ashdọd, Ashkelọn, Gat, kugbe Ekron), ọ vẹ e re Avvim,

Iguẹdjọ 3:3

Enana ẹgborho na: ehọnvwọnre iyori rẹ ihwo ri Filistia, kugbe ihwo ri Kenan na ejobi, kugbe ihwo ri Sidọn, kugbe ihwo ri Hiv re dia ugbenu rode ri Lẹbanọn, nẹ obo ugbenu rode ri Baal-hermọn re te asan ra wan ruọ Hamat.

1 Samuẹl 30:14

Avwanre kpo imu vwẹ obo Nẹgẹb rẹ ihwo ri Kẹrẹt kugbe otọ ri Juda kugbe otọ ri Nẹgẹb rẹ ihwo ri Kalẹb; avwanre da torhẹ Ziklag.