Zẹfanaya 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Zẹfanaya 2:3 ပူးပေါင်းရင်းမြစ်များ

2 Samuẹl 12:22

Ọ da ta, Ọke rẹ ọmọ na vwọ akpọ, mi chiri owẹvwe me da viẹ kidie me tare nẹ, a riẹnre-e Ọghẹnẹ me re ehrọre mẹ rẹ ọmọ mẹ na da rhọ?

Une rẹ Ejiro 105:4

Guọnọ Ọrovwohwo kugbe ogangan rọye, guọnọ opharo rọye kọke kọke!

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Une rẹ Ejiro 31:20

Vwẹ uhoho rẹ opharo wẹn, etiyin wo de si ayen nu nẹ ẹro rẹ ihwo, we re yọnrọn ayen vwẹ otọ rẹ urhurho wẹn ne oseghe rẹ ẹrenvwe buebu.

Une rẹ Ejiro 45:4

Vwẹ evun re ọrho wẹn gua rhe vẹ obọẹkparọ vwi fiki rẹ uyota rere wọ rhe chochọ rẹ ọvwata, jẹn obọrhe wẹn yono uwe uruemu ro mu oshọ!

Une rẹ Ejiro 57:1

Ni arodọvwẹ Me, E Ọghẹnẹ, ni arodọvwẹ mẹ, kidie evun wẹn ẹnwẹ mẹ de si oma nu; vwẹ ophie rẹ ibekpe wẹn me da djahe, bẹsiẹ rẹ ogiribo rẹ ẹguọghọ na vwọ wanvrẹn.

Une rẹ Ejiro 76:9

vwẹ ọke rẹ Ọghẹnẹ vwo vrẹn che vwo brorhiẹ ro che vwo sivwi ihwo re shenyẹ vwẹ akpọ na.

Une rẹ Ejiro 91:1

Ohwo rọ dia otọ re ophie rẹ Oro Me Kpenu na, rọ dia evun re uhoho rẹ Ọrovwogangan na,

Ẹyano 12:27

Ku wọ ta, ọnana izobo rẹ ẹwanvrẹn rẹ Ọrovwohwo na, kidie ọ wan iwevwi rẹ ihwo rẹ Izrẹl vrẹn vwẹ otọ rẹ Ijipt, ọke ro vwo hwe ihwo rẹ Ijipt, ẹkẹvuọvo ọ da yan jẹn iwevwi rẹ avwanre vwo. Ihwo na de gbe iyovwi kpotọ ayen da ga.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Aizaya 1:17

yono emu esiri ru; guọnọ ọsoso, siobọ nẹ oshenyẹ, chochọ rẹ ọmọphrorivwi re wọ rẹ kẹ ayeuku.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Jerimaya 39:18

Kidie mi ghine che sivwi uwe rhọ, wo se she ro ọlọkọ-ọ, ẹkẹvuọvo wo che vwo urhuarho wẹn kerẹ osa rẹ ofovwi, fikiridie wọ vwẹ ẹro so vwẹ, eriyin Ọrovwohwo tare.

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Izikiẹl 13:5

Wọ je yan kpo asan ri kpori na-a, eyẹ wo je bọn igbẹhẹ kẹ uwevwi re Izrẹl na-a, rere o vwo se mudia vwẹ ofovwi vwẹ ẹdẹ rẹ Ọrovwohwo na.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Hosia 7:10

Eheri rẹ Izrẹl ọvo se iseri hwe; yẹ ayen ji rhivwi bru Ọrovwohwo Ọghẹnẹ rayen, ayen je guọnọ fiki rẹ enana ejobi-i.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Matiu 5:5

Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

1 Tẹsalonaika 4:10

Uyota ovwan ghine guọnọ imoni na ejobi re hẹ Masidonia. Ẹkẹvuọvo avwanre bru ovwan uche, imoni, rere ovwan ru nọ ọtiọye.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.