Zẹfanaya 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ekru rẹ eranvwe ki rhuẹn te otọ vwẹ uherevie rọyẹ, ẹranvwe rẹ aghwa na ejobi; Ye udele kugbe ọrigbẹn okukughu kọ che bo vwẹ evakpo na, okpemu ko che kpẹri vwẹ ibara; kidie ke che rhie omamọ rẹ igẹdu rọye na phihọ.

Zẹfanaya 2:14 ပူးပေါင်းရင်းမြစ်များ

Une rẹ Ejiro 102:6

Ke me họhọ ekala rọ hẹ evun rẹ aghwa, kerẹ okpurhukpurhu rọ he evun rẹ etu,

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Jerimaya 22:14

rọ tanẹ, me cha bọn uwevwi rode vẹ ivun phẹphẹ vwẹ obenu, re ji bru evakpo buebu phihọ, phi echẹ ri igedu phihọ evakpo na, vwẹ oda ọvwavware rharọ.

Emọs 9:1

Me da mrẹ Ọrovwohwo ro mudia vwẹ oma rẹ agbada na; Ọ da ta. Kporo ichivwo na bẹsiẹ rẹ ichiotọ na vwo yeghe, ro vwo rhurie she teyẹ iyovwi rẹ ihwo na ejobi, iri ghwu chekọ ke Me vwọ ọlọkọ hwe ayen; ọvuọvo rẹ ayen cha sa djẹ vabọ-ọ, ọvuọvo rẹ ayen sa djẹ yanra-an.

Zẹfanaya 2:6

Ji te owẹ rhe, E erhuru na, egbri kọye cha djẹ vwẹ enu wẹ odi phiẹphiẹphiẹ kẹ otu ri suigodẹ kugbe ogba kẹ ekru rẹ igegede.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;