Zẹfanaya 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Zẹfanaya 2:11 ပူးပေါင်းရင်းမြစ်များ

Jẹnẹsis 10:5

Oma rẹ ihwo nana kọye ihwo rẹ orhoma rẹ urhie na nurhe. Enana keye emọ ri Jafẹt vwẹ otọ rayen, dohwo depherẹ rọye, vẹ uvwiẹ rayen, vwẹ evun rẹ ẹgborho rayen.

Une rẹ Ejiro 138:4

Iviẹ rẹ akpọ na ejobi che jiro uwe, E Ọrovwohwo, kidiẹ ayen nyo eta rẹ unu wẹn;

Une rẹ Ejiro 72:17

Jẹn odẹ rọye tọn hẹnrẹn hẹnrẹn, usi rọye kọ dia kreki kerẹ ọnre na! Jẹn ihwo wan oma rọye vwo ebruphihọ, ẹgborho na ejobi ki se nẹ ebruphihọ!

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

Aizaya 2:18

Ema na ejobi ke wanvrẹn kpae.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 42:10

So ine kẹ Ọrovwohwo une ọkpokpọ, ejiro rọye nẹ oba rẹ akpọ rhe! Jẹn urhie kperi kugbe obo re yọnrọn ejobi, erhuru na vẹ ihwo re dia ayen.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Jerimaya 10:11

Enẹ wọ ta kẹ ayen eghẹnẹ re ma idjuvwu kugbe akpọ na-a cha ghwọrọ nẹ akpọ kugbe otọi rẹ obo odjuvwu na.

Jerimaya 46:25

Ọrovwohwo rẹ otuofovwi Ọghẹnẹ rẹ Izrẹl, tare nẹ: Nighe, mi che hwe Amọn ri Tibis, vi Fẹro, te Ijipt vẹ edjọ rọye kugbe ivie rọye, vwẹ enu ri Fẹro vẹ ihwo re vwẹ ẹro suọ.

Daniẹl 11:18

Ukuko rọye kọ che hirhe epharo ku obo erhuru na kọ reyọ ayen buebu, ẹkẹvuọvo onotu ọvo ko che phi oba phihọ arọeyivwo rọye ọruyota kọ cha nẹrhẹ ọjẹfia rọye rhọma she hwe.

Hosia 2:17

Kidie mi si odẹ ri Baal nẹ unu rọye, e gbi se odẹ rayen ọfa-a.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Zẹfanaya 1:4

Ke me riẹn obọ mẹ kpahe Juda, vwọ kpahe ihwo re dia Jerusalẹm; ke me nyavwẹ umuku ri Baal ro chekọ nẹ etinẹ kugbe odẹ rẹ irherẹn re gọ edjọ na.

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 8:20

E nẹ Ọrovwohwo rẹ otuofovwi tare. Ihwo je cha rhe, ekpuyovwi rẹ ihwo rẹ irere buebu,

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Malakae 1:14

Ekan kẹ ohwo rọ ghwa ihwo ria ro vwo egbo vwẹ ohri rẹ igode rọye, rọ nabọ ve ive nu, ọ da ra reyọ eranvwe ro vwo ẹgua vwo ze izobo kẹ Ọrovwohwo na; kidie mẹvwẹ Ovie rode, eriyin Ọrovwohwo rẹ otuofovwi na tare, ihwo rẹ akpọ na ejobi djẹ oshọ kẹ odẹ mẹ.

Urhi Rivẹ 32:38

ono re ivwri rẹ izobo rayen na, ono da wain rẹ izobo rẹ ẹda rayen na? Gbe jẹn ayen vrẹn rere ayen chọ wẹ, gbe jẹn ayen sẹro wẹ!

1 Timoti 2:8

Me guọnọre nẹ kohwo kohwo vwi kasan kasan ejobi kpare abọ efuanfon rẹ ayen kpenu rere ayen nẹ ẹrhovwo, ọ dia ọ rẹ ẹghwọ vẹ ophu-u;

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.