Zẹfanaya 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Zẹfanaya 1:18 ပူးပေါင်းရင်းမြစ်များ

Jẹnẹsis 6:7

Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

1 Ivie 14:22

Juda de ru obo re brare vwẹ obaro rẹ Ọrovwohwo, ayen da vwẹ imwemwu re ayen ruru vwọ kpare omẹriọ rọye, nọ obo rẹ esẹ rayen ri chekọ ruru.

ỌBE RẸ JOB 21:30

nẹ ohwo-umwemwu sa va abọ vwẹ ẹdẹ rẹ ukpokpogho, re de sivwo rhọ vwẹ ẹdẹ rẹ ophu?

ỌBE RẸ JOB 3:15

eyẹ vẹ isun ri vwo iro, re ghwẹ idọnọ vọn iwevwi rayen.

Une rẹ Ejiro 78:58

Ayen da vwẹ umukpe ra teye kpenu na vwọ kparọ ophu ayen da vwe ema re ayen kare vwọ kparọ ophu

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Isẹ 18:11

Efe rẹ ọdafe ọye orere rọ da djẹrhọ, ọ họhọ igbẹhẹ ro kpenu rọ vwọ gba ogba riariẹ oma.

Aizaya 1:24

Fiki re ọtiọye na Ọrovwohwo tare, Ọrovwohwo rẹ ofovwi na, Ọgba Ọvuọvo rẹ Izrẹl na E, Mi che won ophu mẹ ku ivwighrẹ mẹ, Me cha vwẹ ivwighrẹ mẹ re ihri

Aizaya 10:17

Urhukpẹ rẹ Izrẹl ko hirhe phihọ erhanre, Ọfuanfon Ọvuọvo rọye na kẹ ogidi erhanre; kọ torhẹ ọ me ghwọrọ idjigbẹ vẹ ekpia rọye na vwẹ ẹdẹ ọvo.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Izikiẹl 16:38

Ke me vwẹ owẹ guẹdjọ kirobo rẹ eya re chọ urhi rẹ orọvwe kugbe i ri sun ọbara te otọ epha, ke me cha vwẹ ọbara rẹ ophu vẹ omẹriọ vwo ghworo uwe.

Izikiẹl 23:25

Ki mi mu ophu mẹ kpahẹ owẹ, rere ayen vwẹ ophu rẹ ayen di gbe oja kẹ wẹ re. Ayen ki bru uwen wẹn nẹ uwe kugbe erhọn wẹn, ihwo ri ghwu chekọ ke yan ro abọ rẹ oda. Ayen ki gborho emeshare wẹn kugbe emetẹ wẹn, i ri ghwu chekọ ka vwẹ erhanre torhẹ ayen.

Izikiẹl 7:11

Ozighi rhe rho hirhe phihọ ọkpọ rẹ uvumwemwu; ọvuọvo rọye che chekọ-ọ, eyẹ obuebu raye-en, eyẹ efe raye-en, eyẹ ohwo rode gbe dia ohri raye-en.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Izikiẹl 7:5

Enẹ Ọrovwohwo Ọghẹnẹ tare: Okpetu vwa okpetu! Nighe, ọ cha rhe.

Zẹfanaya 1:11

Beroma, E ihwo re dia obo Maktesh! Kidie ineki na ejobi gbe herọ-ọ; ihwo re vwanvwẹ idọnọ efuanfon ejobi a nyavwẹ ayen kufia.

Zẹfanaya 1:15

Ẹdẹ yena ẹdẹ rẹ ophu, ẹdẹ rẹ ọdjorho vẹ ivuemiovwo, ẹdẹ rẹ ẹghwọrọ vẹ ekua fiotọ, ẹdẹ rẹ ebri vẹ okuku hwi, ẹdẹ rẹ egho vẹ ebri gbae.

Zẹfanaya 2:2

Tavwe ra ke rhe djẹ ovwan yanran kerẹ iphopho rẹ odju muẹ, tavwe rẹ ophu ọgangan rẹ Ọrovwohwo, ki rhi vwrẹ she teye owẹ ẹdẹ rẹ ophu rẹ Ọrovwohwo na.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

1 Kọrẹnt 10:22

Kẹ avwanre kpare ophu rẹ Ọrovwohwo rere ọ rioma? Avwanre gan oma nọ?

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.