Zẹfanaya 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹdẹ yena ẹdẹ rẹ ophu, ẹdẹ rẹ ọdjorho vẹ ivuemiovwo, ẹdẹ rẹ ẹghwọrọ vẹ ekua fiotọ, ẹdẹ rẹ ebri vẹ okuku hwi, ẹdẹ rẹ egho vẹ ebri gbae.

Zẹfanaya 1:15 ပူးပေါင်းရင်းမြစ်များ

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 22:5

Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Zẹfanaya 2:2

Tavwe ra ke rhe djẹ ovwan yanran kerẹ iphopho rẹ odju muẹ, tavwe rẹ ophu ọgangan rẹ Ọrovwohwo, ki rhi vwrẹ she teye owẹ ẹdẹ rẹ ophu rẹ Ọrovwohwo na.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?