Zẹfanaya 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.

Zẹfanaya 1:13 ပူးပေါင်းရင်းမြစ်များ

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Jerimaya 15:13

Te efe wẹn te ughwẹ wẹn ke cha dia emu rẹ iji ọphọphẹ diodi, fiki rẹ umwemwu wẹn, vwẹ asan rẹ otọ wẹn hẹre te ejobi.

Jerimaya 17:3

Vwẹ enu rẹ igbenu ride vwẹ asan ophephẹ na, efe vẹ ekuakua rẹ ovwan me cha hra ayen wan ubrakpọ na ejobi fiki rẹ umwemwu rayen.

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Jerimaya 9:19

Kidie enyo edo rẹ oviẹ vwi Zayọn: Mavọ a ghwọrọ avwanre te! Oma vọ avwanre tototo, fikiridie ma yan je otọ na vwọ, kidie ayen guọghọ ẹdia rẹ avwanre te otọ.

Uvwerhe 5:2

A rhẹriẹ uku rẹ avwanre vwọ kẹ erhorha, iwevwi rẹ avwanre kẹ ihwo rẹ isiorho.

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.

Izikiẹl 7:19

Ayen ghwẹ idọnọ rayen phihọ evun rẹ irhuvwu, iro rayen epha kerẹ eravwọ ri jẹfuọn; idọnọ vẹ iro rayen se sivwi ayen vwẹ ẹdẹ rẹ ivuemiovwo rẹ Ọrovwohwo na-a, ayen se fue owẹvwe raye-en eyẹ ọ sa vọn evun raye-en. Kidie ọye uchukurhe umwemwu rẹ orukuruku rayen.

Izikiẹl 7:21

Ki mi phio phihọ obọ rẹ erhorha rẹ dia emuọre rayen, rọ dia ugborho kẹ ihwo umwemwu rẹ akpọ na, ayen ki gbe ẹgua.

Izikiẹl 7:24

Me vwẹ ihwo re ma bra vwẹ ẹgborho na ejobi rhe reyọ iwevwi rayen, eheri rẹ egba rayen na ejobi ki vwo oba, asan efuanfon rayen ejobi ke gbe ayen ẹgua.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Maika 6:15

Wọ cha kọn, ẹkẹvuọvo wọ che vu-un, wo che chiyi oliv ẹkẹvuọvo wọ cha vwẹ evwri rọye ghworo oma-a; wo che chiyi grep, ẹkẹvuọvo wọ cha da udi rọye-e.

Zẹfanaya 1:9

Vwẹ ẹdẹ yena ki mi hwe kohwo kohwo ro pho wan ugana vrẹn, kugbe ayen otu re ghwẹ ozighi vẹ ọghware vọn uwevwi rẹ onini rọye.

Urhi Rivẹ 28:30

Wọ cha sa aye phihọ otọ, ohwo ọfa Me reyọ mie we; wọ cha bọn uwevwi, ye wọ cha dia evun rọye-e; wọ cha kọn ogba ri vain, yẹ wọ cha ria emamọ rọye-e.

Urhi Rivẹ 28:39

Wọ cha kọn ogba ri vain wọ Me rhuẹrẹ ayen, ẹkẹvuọvo wọ cha da wain na-a wo je cha kọrọ grep na koko-o, kidie ihori cha re ayen.

Urhi Rivẹ 28:51

ọ cha re emọ rẹ uchuru rẹ ovwan kugbe emamọ rẹ otọ rẹ ovwan, bẹsiẹ ra vwọ ghwọrọ ovwan nu; o ji che je eka, vi wain, kugbe evwri vwọ kẹ ovwa-an, ebuo rẹ uchuru rẹ ovwan eyẹ emọ rẹ igegede rẹ ovwan bẹsiẹ rẹ ayen vwọ nẹrhẹ owẹ ghwọrọ.