Uvwerhe 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Avwanre ke yara emu miẹ Ijipt, kugbe Asiria, rere evun kọ vọn avwanre.

Uvwerhe 5:6 ပူးပေါင်းရင်းမြစ်များ

Jẹnẹsis 24:2

Ebraham da ta kẹ odibo rọye, rọ dia ọkpako vwẹ uwevwi rọye, rọ vwẹ ẹro te emu ro vwori ejobi, Phi obọ wẹn phihọ obotọ rẹ ekpoghowọ mẹ,

Ivie rẹ Ivẹ 10:15

Ọke ro vwo nẹ etiyin, ọ da vwa Jehonadab rẹ ọmọ ri Rekah ro bro cha, o de yere ọ da ta kẹ, Udu wẹn fon kẹ udu mẹ kirobo rẹ ọmẹ epha kẹ owẹn na? Jehonadab da kpahe kẹ, Ọtiọye ọ epha. Jehu da ta, Ọ da ghine dia ọtiọye, gba riẹn obọ wẹn kẹ vwẹ. Ọ riẹn obọ rọye kẹ. Jehu da yọnrọn obọ o de sio phihọ evun rẹ akpẹrẹ na.

Aizaya 57:9

Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

Jerimaya 2:18

Ki didi erere ri te we ri wọ vwọ yan kpo Ijipt na, wọ vwọ da ame ri Nail na? eyẹ didi erere ri te we ri wọ vwọ yan kpo Asiria, ru wọ vwọ da ame rẹ Yufretis?

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Izikiẹl 17:18

Fikiridie ọ je ive na fia ọ de miovwi ọphọ na, fikiridie ọ ghwa obọ phiyọ nu o de rhe ru imu nana, ọ gbe sa djẹ va abọ-ọ

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 5:13

Ọke rẹ Ifrem vwọ mrẹ ọga rọye, ri Juda vwọ mrẹ omẹwan rọye, etiyin Ifrem de kpo Asiria, o de ji ohwo bru ovie rode na. Ẹkẹvuọvo o se sivwi uwe-e eyere sivwi ora wẹn kpo-o.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Hosia 9:3

Ayen gbe cha dia otọ rẹ Ọrovwohwo na-a; ẹkẹvuọvo Ifrem che rhivwi kpo Ijipt, ayen ke re emu rijẹfuọn vwẹ otọ rẹ Asiria.