Uvwerhe 5:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ẹkẹvuọvo wẹ E Ọrovwohwo wọ re bẹdẹ, ekete wẹn kọ dia rhiri re te uvwiẹ ejobi.

Uvwerhe 5:19 ပူးပေါင်းရင်းမြစ်များ

Une rẹ Ejiro 10:16

Ọrovwohwo ovie rhiri bẹdẹ bẹdẹ; ẹgborho na cha ghwọrọ nẹ otọ rọye.

Une rẹ Ejiro 102:12

Ẹkẹvuọvo wọwẹ, E Ọrovwohwo, a vwẹ owẹ tidia ekete bẹdẹ; odẹ wẹn rhiri re te uvwiẹ na ejobi.

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Une rẹ Ejiro 146:10

Ọrovwohwo ọ ri rhiri bẹdẹ Ọghẹnẹ wẹn, E Zayọn, kẹ uvwiẹ ejobi. Jiri Ọrovwohwo na!

Une rẹ Ejiro 29:10

Ọrovwohwo tidia phihọ ekete vwe enu re oghwe, Ọrovwohwo tidia kerẹ ovie vwẹ enu rẹ ekete bẹdẹ.

Une rẹ Ejiro 45:6

Ekete wẹn, E Ọghẹnẹ, ọ re bẹdẹ bẹdẹ, ọkpọ rẹ uvie wẹn na ọye ọkpọ rẹ abavo,

Une rẹ Ejiro 9:7

Ẹkẹvuọvo Ọrovwohwo tidia ekete rọye bẹdẹ, ọ vwẹ ekete re ẹdjọeguo rọye vire,

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Une rẹ Ejiro 93:2

ekete wẹn a tọnrọ phihọ ne awanre rhe, wọ herọ rhiri bẹdẹ.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Iyẹnrẹ Esiri ri Jọn 1:38

Jesu de kuoma rhẹriẹ, ọ da mrẹ ayen ri nene, ọ da ta kẹ ayen, Die wa guọnọ? Ayen da ta kẹ, Rabbi (otọ rọye Oyono), tivọ wọ dia?

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

Hibru 13:8

Obo ri Jesu epha vwẹ odẹ ro kpori na eriyin ọ epha nonẹ na eriyin ọ je cha dia bẹdẹ.

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.