Uvwerhe 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Erhu rẹ uvie na she nẹ uyovwi rẹ avwanre; ekan kẹ avwanre, kidie avwanre ru imwuemwu!

Uvwerhe 5:16 ပူးပေါင်းရင်းမြစ်များ

ỌBE RẸ JOB 19:9

Ọ ghwiẹ urinrin mẹ nu vwe oma, o de si erhu rẹ uvie nẹ uyovwi mẹ.

Une rẹ Ejiro 89:39

Wọwẹ re pha ọphọ ru wọ vẹ odibo wẹn gba re, wọwẹ ri gbe erhu rẹ uvie rọye ẹgua phiphọ otọ.

Isẹ 14:34

Ọvwata kpare ẹgborho kpenu, ẹkẹvuọvo umwemwu ghwa ekan rhe ihwo rọye.

Isẹ 27:24

Kidie efe sa tọn dede-e; erhu rẹ uvie sa dia rara?

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Jerimaya 13:18

Ta kẹ ovie vẹ oni rọye; Reyọ agbara ro kpotọ, kidie erhu rẹ uvie oyoyivwi wẹn na nẹ uyovwi wẹn nure.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 4:18

Idjerhe wẹn kugbe uruemu wẹn re ghwa ọnana bru we rhe na. Ọnana ughwu wẹn, kọ yara, o te ubiudu wẹn nure.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 2:1

Mavọ Ọrovwohwo vwọ vwẹ ophu rọye phi ọmọtẹ ri Zayọn phihọ otọ re egho! Obo odjuvwu o de phi erhuvwu rẹ Izrẹl teye akpọ na, Ọ gbe karohọ asan rọ ghwẹ awọ rọye phihọ vwẹ ẹdẹ rẹ ophu rọye-e.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Izikiẹl 21:26

e nẹ Ọrovwohwo Ọghẹnẹ tare: kpare erhu nẹ uyovwi, si erhu rẹ ovie wẹn na nu; ayen gbe cha dia obo rẹ ayen epha jovwo-o, kpare obo ri kpotọ kpenu, ọ ro kpenu vwo kpotọ.

Maika 6:13

Fiki rẹ ọtiọye na mi mu ovwan phihọ ẹteyọ re, ka kua ovwan fiotọ fiki rẹ umwemwu rẹ ovwan.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Ẹvwọphia 3:11

Me cha phẹrẹkpẹ; yọnre esegbuyota ro te we obọ nure na ga, rere ohwo ọfa vwo jẹ erhu wẹn na ẹgborho reyọ.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.