Uvwerhe 4:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Uvwerhe 4:20 ပူးပေါင်းရင်းမြစ်များ

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Jẹnẹsis 44:30

Kọye, ọke ri mi vwo te asan rẹ odibo wẹn ọsẹ mẹ, ọmọ na gbi nene avwanre, kirobo rọ vwẹ akpọ kpahọ na,

2 Samuẹl 1:14

Devid da ta kẹ Mavọ oshọ vwo ju we emuo wọ vwọ riẹn obọ wẹn vwo hwe ohwo rẹ Ọrovwohwo vwo mu ovie?

2 Samuẹl 1:21

Ovwanvwan igbenu ri Gilboa, e jẹn ọphogho yẹrẹ osio dia enu wẹ-ẹn, eyẹ ogbugbu rẹ ame-e! Kidie etiyin a da tẹn ekpọfia rẹ ọgba fia, ekpọfia ri Sọl, ra vwẹ evwri ghworo-o.

2 Samuẹl 18:3

Ẹkẹvuọvo ihwo na da ta, Wo nene avwanre-e, kidie avwanre da djẹ, ayen cha sa kerhọn rẹ avwanre-e. Ọ da dianẹ ẹbẹreọvo rẹ avwanre ghwuru, ayen je davwerhọn rẹ avwanre-ẹ, ẹkẹvuọvo wọ nọ ihwo uriori ihwe rẹ avwanre. Ọtiọye na ofori wọ daji obo orere wọ vwẹ ọchuko rhe avwanre.

2 Samuẹl 19:21

Abishai rẹ ọmọ ri Zeruiah da kpahe, E gbi hwe Shimẹi vwi fiki rẹ ọnana, kidie ọ harhe ohwo rẹ Ọrovwohwo vwo mu?

2 Ikun rẹ Ivie 35:25

Jerimaya da je viẹ kẹ Josaya; re eshare re sua ine te eya re sua ine de roro ine vwo so Josaya rhi te nonẹ na. Ayen de ji iji nana vwẹ Izrẹl; nighe, e si ayen phihọ ọbe rẹ ovie.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Jerimaya 39:5

Ẹkẹvuọvo unuofovwi rẹ ihwo ri Kaldia da vwọ tua ayen, ayen da djẹ mu Zedikaya vwẹ uphephẹ ri Jeriko, re ayen vwo muo nu, ayen de vwo rhe Nebukadreza ovie ri Babilọn, vwẹ Ribla, vwẹ otọ ri Hamat, o de brorhie hwe.

Jerimaya 52:8

Ẹkẹvuọvo unofovwi ri Kaldia da vwọ tua ovie na, ayen da vwa Zẹdikaya vwẹ uphephẹ ri Jerikọ, unofovwi rọye ejobi da hra jovwo.

Jerimaya 52:9

Etiyin ayen de mu ovie na, ayen da reyọ vwo rhe ovie ri Babilọn vwẹ obi Ribla vwẹ otọ ri Hamat, o de brorhiẹ hwe.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:18

Fikiridie ọ je ive na fia ọ de miovwi ọphọ na, fikiridie ọ ghwa obọ phiyọ nu o de rhe ru imu nana, ọ gbe sa djẹ va abọ-ọ

Izikiẹl 31:17

Ayen vẹ ọye ki kpo obo Erivwi na, kugbe ayen ra vwe ọlọkọ nyavwe hwe; uyota, ayen otu re dia otọ rẹ ophie rọye vwẹ ohri re ẹgborho na ke ghworọ.

Daniẹl 4:12

Ẹbe rọye pha yoyovwi, emamọ rọye buebu gbidi, kẹ emuọre vwọ kẹ ihwo ejobi. Eranvwe rẹ aghwa na kẹ otọ rẹ ophie rọye e dia, eghọn rọye kọye emephran rẹ irharheghe dia, oma rọye kọye ihwo ejobi da ria.

Hosia 13:10

Tivọ ovie wẹn epha, ro sivwi uwe; isun wẹn rhọ, re chọ ochọ wẹ ihwo re wọ ta nẹ; Kẹ vwẹ ovie kugbe isun?

Iguẹdjọ 9:15

Ekpakpakpa na da ta kẹ irhe na nẹ Ọ da ghene dia uyota nẹ ovwan vwe evwri te vwe ne Me dia ovie re ovwan, Wa gba rhe dia otọ rẹ ọphie mẹ; ẹkẹvuọvo ọ gbe dia eriyi-in gbe jẹ erhanre nẹ evun rẹ ekpakpakpa na rhe, rere ọ torhẹ lgedu ejobi ri Lẹbanọn.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 12:5

Ọ da ta kẹ ayen, Ọrovwohwo oseri mẹ, ohwo rọye rọ vwẹ evwri te je hẹ oseri nonẹ na, nẹ ovwan mrẹ oruchọ vwẹ obọ mẹ-ẹ. Ayen da ta, ọye Oseri.

1 Samuẹl 16:6

Ọke rẹ ayen vwọ rhe, o de ni Ehab o de roro, Uyota ohwo rẹ Ọrovwohwo vwẹ evwri ghworo na ọye hẹ obaro rọye na.

1 Samuẹl 24:10

Nighe, nonẹ na ẹro wẹn mrẹre obo rẹ Ọrovwohwo phi we phihọ obọ mẹ vwẹ evun rẹ emwa na; evo da ta kẹ vwẹ nẹ mi hwe we, ẹkẹvuọvo me vwẹ obọ te we-e. Me da ta, Me sa vwẹ obọ te ọrovwovwe-e, kidie Ọrovwohwo vwẹ evwri ghworo nure.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 26:16

Emu nana ri wo ruru na yovwiri-i. Kirobo rẹ Ọrovwohwo herọ na, wo fo ohwo ro ghwu, fikiridie wọ rhẹrẹ ọrovwowe-e, ohwo rẹ Ọrovwohwo vwe evwri ghworo. Asakiephana gbe ni asan rẹ ubiri rẹ ovie epha, kugbe ọtoto rẹ ame rọ hẹ asan uyovwi rọye na.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?