Uvwerhe 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Emọ eghaghanre ri Zayọn, re ghanre te omamọ rẹ ovwavwọn rẹ oro, mavọ a vwọ vwẹ ayen roro ichẹ rẹ ekpẹn iruo re ọmema vwẹ obọ ru!

Uvwerhe 4:2 ပူးပေါင်းရင်းမြစ်များ

Aizaya 30:14

koọ ghwọrọ ivwivwuvwu kerẹ ochẹ rọ mema rọ guọghọ mwumwerhe, ra gbe sa mrẹ igbẹphẹre ọvuọvo vwọ bẹdẹ-ẹ ra vwọ wan erhanre nẹ enyerhanre-e, eyẹ ra vwọ sẹghrẹ ame nẹ orhare rhe-e.

Aizaya 51:18

Ovwo ohwo ọvuọvo ro suo-o vwẹ usun rẹ emọ rọ vwiẹri na, o vwo ohwo ọvuọvo rọ yọnrọn obọ-ọ vwẹ usun rẹ emọ rọ yọnre ghwẹro na.

Jerimaya 19:1

Enẹ Ọrovwohwo tare, Yanran ra dẹ ọmọtoto rẹ ọmaichẹ na, re wọ reyọ evo vwẹ ekpako rẹ ihwo na kugbe evo rẹ ekpako rẹ irherẹn na,

Jerimaya 19:11

Wọ ta kẹ ayen nẹ, Enẹ Ọrovwohwo rẹ otuofovwi tare: Ọtiọye mi che hwe ihwo nana kugbe orere nana, kirobo rẹ ohwo hwe ochẹ rẹ ọmaichẹ, a gbe sa rhuẹrẹ-ẹ. E che shi ihwo vwẹ Tọfẹt fikifidie asan ọfa re shi ihwo phihọ gbe herọ-ọ.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Uvwerhe 5:12

A gba abọ rẹ isun si enu, e gbi rhe mu ọghọ kẹ ekpako-o.

Hosia 8:8

A rọ Izrẹl nure, uherevie rẹ ẹgborho efa kọye ayen epha fafarhiẹ kirẹ ekuakua ra kpare kufia.

Zekaraya 9:13

Mi wurhu Juda kerẹ umurhabọ Mẹ; Me da vwẹ Ifrem ru edada rọye. Mi dju emọ rẹ ovwan, E Zayọn, Me vwẹ emọ rẹ ovwan họnre emọ ri Gris. mi ru uwe họhọ ọlọkọ rẹ ọgbofovwi.

2 Kọrẹnt 4:7

Ẹkẹvuọvo avwanre vwo efe nana vwẹ evun rẹ ochẹ, ro vwo dje nẹ ọrho rọ basa-a na Ọghẹnẹ ọvo ri vworo ọ dianẹ kẹ ọ rẹ avwanre-e.

2 Timoti 2:20

Vwẹ evun rẹ uwevwi rode ọ dia ekuakua rẹ oro eyẹ idọnọ ọfuanfon ọvo re dia-a ẹkẹvuọvo irhe je dia rhe kugbe ekpẹn, evo ra vwẹ obọ tete evo i re vwo gbe otọ.