Uvwerhe 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Uvwerhe 4:11 ပူးပေါင်းရင်းမြစ်များ

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Uvwerhe 2:1

Mavọ Ọrovwohwo vwọ vwẹ ophu rọye phi ọmọtẹ ri Zayọn phihọ otọ re egho! Obo odjuvwu o de phi erhuvwu rẹ Izrẹl teye akpọ na, Ọ gbe karohọ asan rọ ghwẹ awọ rọye phihọ vwẹ ẹdẹ rẹ ophu rọye-e.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Uvwerhe 2:3

Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.

Uvwerhe 2:8

Ọrovwohwo jẹ iroro ro vwo hirhe igbẹhẹ rẹ ọmọtẹ ri Zayọn phihọ erhurhu, O de si usi vwo gbere ughwru phihọ, Ọ da obọ rẹ ẹghwọrọ rọye ji-i; ọ da nẹrhẹ udio vẹ igbẹhẹ viẹ, ayen re koko vwere oma.

Uvwerhe 4:22

Ehwẹ rẹ orukuruku rẹ ovwan, E ọmọtẹ ri Zayọn ọ gbare, o gbi che je ovwan vwo vwẹ imu ọfa-a ẹkẹvuọvo orukuruku wẹn E ọmọtẹ rẹ Idọm, ko hwe ko che rhie imwemwu wẹn phihọ.

Izikiẹl 22:31

Fiki rẹ ọtiọye na ki mi ku ophu mẹ ku ayen; me vwẹ erhanre rẹ ophu mẹ torhẹ ayen, ke me guọnọ idjerhe rayen vwẹ enu rẹ uyovwi rayen, eriyin Ọrovwohwo Ọghẹnẹ tare.

Izikiẹl 36:18

Kọye mi de ku ophu mẹ ku ayen fiki rẹ ọbara rẹ ayen sun te otọ vwẹ evun rẹ otọ na, kidie ẹdjọ rẹ ayen vwori gbere ẹgua.

Izikiẹl 6:12

Ọ rọ hẹ obo ogboko che ghwu ughwu rẹ emiavwe na; ọ rọ hẹ asan rọ kẹre che ghwu ughwu rẹ ọlọkọ na, ọ ro ghwu chekọ rẹ emu ruru-u owẹvwe kọye hwe ghwu. Enẹ kọye ophu mẹ cha dia kpahe ayen

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Zẹfanaya 2:2

Tavwe ra ke rhe djẹ ovwan yanran kerẹ iphopho rẹ odju muẹ, tavwe rẹ ophu ọgangan rẹ Ọrovwohwo, ki rhi vwrẹ she teye owẹ ẹdẹ rẹ ophu rẹ Ọrovwohwo na.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.