Uvwerhe 3:40 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁰ E jẹn avwanre davwẹ idjerhe rẹ avwanre ni, rere e rhivwi bru Ọrovwohwo na

Uvwerhe 3:40 ပူးပေါင်းရင်းမြစ်များ

2 Ikun rẹ Ivie 30:6

Etiyin aghwoghwo da ro Izrẹl kugbe Judea ejobi vẹ ẹbe rẹ ovie vẹ isun na siri, kirobo rẹ ovie na ji iji, tanẹ, E ihwo rẹ Izrẹl, wẹ rhivwi bru Ọrovwohwo, Ọghẹnẹ rẹ Ebraham, Aizik, kugbe Izrẹl, rere o rhivwi bru umuku rẹ ovwan re djẹ va ovie rẹ Asiria obọ.

2 Ikun rẹ Ivie 30:9

Kidie we de rhivwi bru Ọrovwohwo na, imoni wẹn kugbe emọ wẹn ke mrẹ ehrọre vwẹ obọ rẹ ihwo ri mu ayen na, ki che rhivwi rhe otọ nana. Kidie Ọrovwohwo Ọghẹnẹ wẹn ọ vọnre vẹ ehrọre vẹ arodọvwẹ, o rhe chuko ku we-e, ọ da dianẹ wo rhivwi bro.

Une rẹ Ejiro 119:59

Ọke mi de roro idjerhe wẹn, ki mi hirhe awọ ku iseri wẹn;

Une rẹ Ejiro 4:4

Mu ophu, ẹkẹvuọvo wọ ru umwemwu-u; nene udu wẹn gbe ikun vwẹ enu rẹ ehwa wẹn, re wọ fọ gbiẹi.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Izikiẹl 18:28

Fikiridie o niro mu o de kurhẹriẹ nẹ ogbigbiru rọye ejobi rọ ruru, ko rhọ dẹn, ọ gbi rhe ghwu-u.

Hosia 12:6

Ọtiọye owẹ, vwẹ ọchuko rẹ Ọghẹnẹ wẹ, rhivwi rhe, yọnrọn ẹguọnọ vẹ ọsoso gan, re wọ hẹrhẹ Ọghẹnẹ wẹn kọke kọke.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

1 Kọrẹnt 11:28

Gbe jẹn ohwo davwe oma rọye ni tavwe, rọ ke re ikara na rọ ke da vwẹ uko na.

1 Kọrẹnt 11:31

Ẹkẹvuọvo avwanre da vwẹ oma rẹ avwanre guẹdjọ, e gbi rhe bruhwe avwanre-e.

2 Kọrẹnt 13:5

Wa davwe oma rẹ ovwan ni, sẹ ovwan churu obọ mu esegbuyota rẹ ovwan na. Wa davwe oma rẹ ovwan ni. Ovwan rha mrẹ vughe nẹ Jesu Kristi hẹ evun rẹ ovwa-an?– jokpa nẹ udu rẹ ovwan rha gba odavwini na-a!

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;