Uvwerhe 2:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Uvwerhe 2:22 ပူးပေါင်းရင်းမြစ်များ

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Une rẹ Ejiro 31:13

E, mi nyo ophiọrọ re otu buebu– oshọ vwi kabọ kabọ– rẹ ayen vwọ rua ero kpahe ovwẹ, rẹ ayen vwọ jẹ iroro re vwo hwe vwe!–

Aizaya 28:19

Kọke kọke rọ vwọ wan vrẹn ejobi kọ vwẹ owẹ boma, kirhiọke kirhiọke ọ cha vwọ wan vrẹn, te ason te uvo, kọ dia oshọ rode ra vwọ riẹn otọ rẹ ovuẹ na.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 20:3

Vwẹ ẹdẹ rivẹ, ri Pashọ vwọ rhan Jerimaya nẹ igoni na nu, Jerimaya da ta kẹ, Ọrovwohwo se odẹ wẹn Pashọ-ọ, ẹkẹvuọvo Imuọshọ vwẹ abọ kabọ.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 44:7

Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Urhi Rivẹ 28:18

Ekan kẹ emamọ rẹ oma rẹ ovwan ji kugbe emamọ rẹ otọ rẹ ovwan, ebuo rẹ uchuru rẹ ovwan, kugbe emọ rẹ igegede rẹ ovwan.