Uvwerhe 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Uvwerhe 2:21 ပူးပေါင်းရင်းမြစ်များ

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Ẹsta 3:13

A de vwẹ ẹbe na kẹ ikọn na ghwa kpo ubrakpọ rẹ ovie na suẹn ejobi, re a ghwọrọ re ehwe, re si ihwo ri Ju ejobi notọ, tọmọ tọkpako, teya temọ, vwẹ ẹdẹ ọvuọvo, ẹdẹ ihwerha rẹ emeranvwe ihwivẹ rọ dia emeranvwe re se Ada, e mi rhe gborho ekuakua rayen reyọ.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 51:22

wẹ me vwọ guọghọ ọshare vẹ aye ibribro; wẹ me vwọ guọghọ ọmare ọshare vẹ eghene ibribro; wẹ me vwọ guọghọ eghene ọshare vẹ ọmọte ukoni Ibriobro,

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Jerimaya 9:20

Ovwan gbe nyo, E eya, ota rẹ Ọrovwohwo na, re we jẹ erhọn rẹ ovwan reyọ ota rẹ ugbunu rọye, yono emetẹ wẹn obo ra viẹ dohwo dọrivẹ rọye so ine rẹ uvweri kẹ.

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Uvwerhe 1:15

Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 3:43

Wọ vwẹ ophu phopho oma wọ da vwọ tua avwanre, wọ da vwẹ aroesio hwe avwanre;

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Izikiẹl 5:11

Vwẹ ọtiọye na, kirobo re me herọ na, eriyin Ọrovwohwo Ọghẹne tare, uyota, fikirobo wo vwo gbe ẹshẹ mẹ na ẹgua vẹ erharhe eravwọ wẹn ejọbi kugbe ẹgua wẹn ejobi na, vwẹ ọtiọye na ke me nyavwe owẹ te otọ, ẹro mẹ che ju we vwo-o, me je cha re ehrọre-e.

Izikiẹl 7:4

Ẹro me se ju we vwo-o, eyẹ me re ehrọre wẹ-ẹ, ẹkẹvuọvo ki mi hwe we fiki rẹ idjerhe wẹn, vwe ọke rẹ ẹgua wẹn vwọ hẹ uherevie wẹn na. Etiyin ku wọ riẹn nẹ mẹvwẹ Ọrovwohwo na.

Izikiẹl 7:9

Ẹro mẹ se ju we vwọ-ọ, eyẹ me re ehrọre wẹ-ẹ, ki mi gbe oja kẹ wẹ re kirobo rẹ idjerhe wẹn epha, yẹ ẹgua wẹn ji hẹ uherevie wẹn. Etiyin ku wọ riẹn nẹ mẹvwẹ Ọrovwohwo na, re ghwiẹ wẹ.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 9:10

Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 8:13

Vwẹ ẹdẹ yena emetobẹ iyoyovwi vẹ imighene ki shero fiki rẹ urhuruame.

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Urhi Rivẹ 28:50

ẹgborho ro si opharo phihọ, ro nẹ aro rẹ ọkpako-o ọ je kerhọn rẹ egheie-e

Urhi Rivẹ 32:25

Vwẹ uphephẹ kẹ ọlọkọ nyavwe ayen oshọẹdjẹ kọ dia ivun na, rọ guọghọ imighele rẹ eshare vẹ ọmọtobẹ, te ọmọ ri viẹ evie kugbe ọmare.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.