Uvwerhe 2:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Uvwerhe 2:20 ပူးပေါင်းရင်းမြစ်များ

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Une rẹ Ejiro 78:64

A vwe ọlọkọ nyavwe irherẹn rayen hwe, eyauku rayen gbe sa viẹ-ẹ.

Ẹyano 32:11

Ẹkẹvuọvo Mosis da rẹ Ọrovwohwo Ọghẹnẹ rọye, ọ da ta, E Ọrovwohwo, die sorọ rẹ ivuemiovwo wẹn vwọ rhorho kpahe ihwo na, ihwo re wo rọye nẹ otọ rẹ Ijipt rhe vẹ ẹgban rode vẹ obọ ọgangan?

Aizaya 22:2

ovwan re vọnre vẹ unuebo na, orere rẹ edo, orho ro mu oma kpenu? irivwi wẹn dia ọlọkọ e vwọ hwe aye-e, eyẹ i ghwu vwẹ ofovwi.

Jerimaya 19:9

Ki mi che ru ayen re ayen da re ugboma rẹ emeshare vẹ emetẹ rayen, dohwo dugboma rẹ ọrivẹ rọyẹ ke cha re vwẹ ọke rẹ imu na vẹ ukpokpogho na, rẹ ivwighrẹ rayen vẹ otu re guọnọ arhọ rayen hwe che vwo kpokpo ayen.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Uvwerhe 1:19

Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 4:10

Eya ri gbe arodọvwẹ da vwẹ abọ rayen chere emọ rayen re, e da rhe dia emuọre rayen vwẹ evun rẹ ẹghwọrọ rẹ ọmọtẹ rẹ ihwo mẹ.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Uvwerhe 4:16

Okpuyovwi rẹ Ọrovwohwo ọvo cha hra ayen ejobi, o gbi che se ayen gbe emuọvo ọfa-a, ọghọ gbe herọ kẹ irherẹn na-a, ẹroesiri gbe herọ kẹ ekpakọ na-a.

Izikiẹl 5:10

Fiki rẹ ọtiọye na esẹ ke cha re emọ rayen vwẹ uherevie ovwan, emọ ke cha re esẹ rayen; ke me cha vwẹ owẹ gu ẹdjọ, ọ rọ vẹ abọ rẹ ẹdjọ na ke me hra nene odju na ejobi.

Izikiẹl 9:7

Etiyin ọ da ta kẹ ayen, Gbe uwevwi na ẹgua, re wo mu irivwi rayen vọn eguan na. Wa yanran. Ọtiọye ayen da yanran, ayen da ra guọghọ vwẹ evun rẹ orere na.

Livitikọs 26:29

Emọ rẹ ovwan keye ovwan che vwo ruẹ emu re, te emetẹ te emeshare rẹ ovwan.

Urhi Rivẹ 9:26

Me nẹ ẹrhovwo kẹ Ọrovwohwo, nẹ, E Ọrovwohwo Ọghẹnẹ, wọ ghwọrọ ihwo wẹn vẹ ukuẹriọ wẹ-ẹn, e rẹ wọ vwẹ ọrho wẹn tan hirhe na, e re wọ vwẹ obọ gangan si nẹ Ijipt rhe na.