Uvwerhe 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 2:2 ပူးပေါင်းရင်းမြစ်များ

ỌBE RẸ JOB 2:3

Ọrovwohwo da ta kẹ Ẹdjọ, Wọ karohọ odibo mẹ Job, ọ rọ họherọ vwẹ akpọ na herọ-ọ, ohwo ro vwo eka-an ọ ke je dia ohwo ọsoso oruẹ, ohwo rọ djẹ oshọ rẹ Ọghẹnẹ o de ji sioma nẹ umiovwo? Ọ je yọnre ọvwata rọye, ghwaghwa owenẹ wo ru vwe vwo mukpahọ dede, vwọ ghwọrọ ekueku.

Une rẹ Ejiro 21:9

Ku wo che ru ayen kerẹ ekuerhanre rọ la vwe ọke wọ da vwẹ oma phia. Ọrovwohwo che mu ayen rọ vwẹ evun rẹ ophu rọye; erhanre kọ torhẹ ayen.

Une rẹ Ejiro 74:7

Ayen de phi erhanre phihọ ẹshẹ na, ayen de kporo asan rẹ odẹ wẹn epha na te otọ

Aizaya 22:5

Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 23:9

Ọrovwohwo rẹ otuofovwi na jẹn iroro na nure, rere o gbe urinrm ejobi ẹgua, rere o si ọghọ nẹ oma rẹ ihwo re mu ọghọ kẹ vwẹ akpọ na ejobi.

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.

Aizaya 26:5

Ihwo re rhoro vẹ orere rode ọ vwẹ ayen kpo otọ, O da ghwọrọ te otọ, ọ ghwọerọ te otọ riẹriẹriẹ, o de muo teye iwurhie.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 5:10

Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Uvwerhe 2:5

Ọrovwohwo rhe rhoma họhọ ọvweghrẹ re, Ọ da rhe guọghọ Izrẹl; ọ rhe guọghọ ighẹn rọye ejobi, hirhe ogba ọgangan rọye phihọ erhurhu, O ki rhe ru omaemuohọ vẹ oviẹ buphihọ vwẹ evun rẹ ọmọtẹ ri Juda.

Uvwerhe 3:43

Wọ vwẹ ophu phopho oma wọ da vwọ tua avwanre, wọ da vwẹ aroesio hwe avwanre;

Izikiẹl 5:11

Vwẹ ọtiọye na, kirobo re me herọ na, eriyin Ọrovwohwo Ọghẹne tare, uyota, fikirobo wo vwo gbe ẹshẹ mẹ na ẹgua vẹ erharhe eravwọ wẹn ejọbi kugbe ẹgua wẹn ejobi na, vwẹ ọtiọye na ke me nyavwe owẹ te otọ, ẹro mẹ che ju we vwo-o, me je cha re ehrọre-e.

Izikiẹl 7:4

Ẹro me se ju we vwo-o, eyẹ me re ehrọre wẹ-ẹ, ẹkẹvuọvo ki mi hwe we fiki rẹ idjerhe wẹn, vwe ọke rẹ ẹgua wẹn vwọ hẹ uherevie wẹn na. Etiyin ku wọ riẹn nẹ mẹvwẹ Ọrovwohwo na.

Izikiẹl 7:9

Ẹro mẹ se ju we vwọ-ọ, eyẹ me re ehrọre wẹ-ẹ, ki mi gbe oja kẹ wẹ re kirobo rẹ idjerhe wẹn epha, yẹ ẹgua wẹn ji hẹ uherevie wẹn. Etiyin ku wọ riẹn nẹ mẹvwẹ Ọrovwohwo na, re ghwiẹ wẹ.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 9:10

Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

Maika 5:14

ki mi che ghwie ighriki na nẹ ohri rẹ ovwan ayen Me guọghọ irere rẹ ovwan.

Malakae 1:4

Idọm da ta nẹ, a guọghọ avwanre ẹkẹvuọvo avwanre cha bọn ẹdia rọ guọghọre na ejobi, Ọrovwohwo rẹ otuofovwi na tare nẹ, Ayen che ghine bọn, ẹkẹvuọvo mi che kporo kuotọ, bẹsiẹ rẹ ihwo vwo mu odẹ kẹ ayen nẹ orho rẹ iruimwemwu, ihwo rẹ Ọrovwohwo mu kpahe bẹdẹ.

Matiu 18:33

Kidie wo gbi vwo ghovwo ọrivẹ wẹn kirobo mi ni aruẹdọn wẹ-ẹ?

2 Kọrẹnt 10:4

Kidie ekuakua rẹ avwanre vwo phiẹ ofovwi na dia e rẹ akpọ na-a ẹkẹvuọvo ọgangan rẹ obenu a vwọ guọghọ ẹgba egangan na.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.