Uvwerhe 2:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Otu re wan idjẹrhe na vrẹn ejobi da fa abọ kẹ owẹ, ayen fiunu ji kpogho uyovwi kẹ ọmọte ri Jerusalẹm, “Ọ nana tobọ hẹ orere re se nẹ erhuvwu rọ ghare na aghọghọ rẹ akpọ na ejobi na?”

Uvwerhe 2:15 ပူးပေါင်းရင်းမြစ်များ

Ivie rẹ Ivẹ 19:21

Ọnana ota rẹ Ọrovwohwo ta kpahọ. Ọ phọphọ owẹ, ọ vwẹ owẹ jehwẹ– ọmọtobẹ ri Zayọn, o kpogho uyovwi rọye vwẹ obuko wẹn ọmọtẹ ri Jerusalẹm.

2 Ikun rẹ Ivie 7:21

Vwẹ uwevwi nana, ra kpare kpenu na, kohwo kohwo rọ wanvrẹn ko che gbe unu, kọ ta, kidie nẹrhẹ Ọrovwohwo ru ọtiọna kẹ uwevwi nana vẹ otọ nana?

Une rẹ Ejiro 109:25

Mẹvwẹ kẹ ehwẹjẹ kẹ otu re vwẹ ovwẹ guẹdjọ; ọke rẹ ayen da mrẹ vwẹ kẹ ayen kpogho uyovwi rayen.

Une rẹ Ejiro 22:7

Ihwo ejobi re mrẹ vwẹ ke vwẹ ovwẹ jehwẹ, ayen miunu phihọ ovwẹ, ayen kpogho uyovwi rayen,

Une rẹ Ejiro 48:2

Ugbenu ọfuanfon rọye, rọ kpare vẹ erhuvwu, ọye aghọghọ re akpọ na ejobi, Ugbenu ri Zayọn, rọ hẹ obenu shesheri, Orere rẹ Ovie rode na.

Une rẹ Ejiro 48:3

Vwẹ ẹvun rẹ ohẹrhẹ rọye Ọghẹnẹ de djẹ oma rọye phia nẹ ọye ọchochọ.

Une rẹ Ejiro 50:2

Vwe evun ri Zayọn, erhuvwu re urinrin re Ọrovwohwo de lo phia.

Une rẹ Ejiro 64:8

Fiki re ẹrẹnvwe rayen ko che sun ayen kpo ughwru, ayen ihwo re mrẹ ayen ejobi ki kpogho uyovwi.

Aizaya 28:21

Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Aizaya 37:22

ọnana hẹ ota rẹ Ọrovwohwo ta kpahọ: Ọ jẹ wẹ fia, ọ vwẹ owẹ jehwẹ– ọmọtobẹ ri Zayọn, ọ ro kpogho uyovwi vwẹ obuko wẹ– ọmọtẹ ri Jerusalẹm.

Aizaya 64:11

Uwevwi rẹ avwanre ọfuanfon yoyovwi na, asan rẹ ẹse avwanre de jiri uwe jovwo na, a vwẹ erhanre torhẹ, asan iyoyovwi rẹ avwanre ejobi na rhi hirhe phihọ erhurhu.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Jerimaya 19:8

Ki mi ru orere nana kọ dia imuoshọ, ra fiọn unu kẹ; ohwo kohwo rọ wa rọ vrẹ ejobi oshọ ko muo kọ cha fiọn unu vwi fiki rẹ eghwọrọ rọye.

Jerimaya 25:18

Jerusalẹm vẹ irere ri Juda, ivie vẹ isun rọye, re e vwo ru ayen ofefe ra vwọ ghwọrọ ayen, ru ayen unuefiọn vẹ ekan, kirobọ rọ epha nọne na.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 48:27

Izrẹl rha dia ehwẹjẹ kẹ wẹ jovwo? A mrẹrẹ vwẹ ohri rẹ iji dẹvure, vwẹ ọke kọke wọ da ta ota rọye wo mie kpogho uyovwi?

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 2:16

Ivwighrẹ wẹn ejobi herọ ghwọ ku we, ayen fiunu ayen ria akọ, ayen kperi avwanre guọgherọ Ẹhẹn ọnana ẹdẹ rẹ avwanre rhẹro rọye na, asakiephana o te avwanre obọ re avwanre mrẹrẹ re!

Uvwerhe 2:6

Ọ guọghọ ọgarivi rọye te otọ kere ogba rẹ ekankọn. Ọ ke je guọghọ ẹdia rẹ orẹ re bruru na phihọ erhurhu, Ọrovwohwo da nẹrhẹ ẹdorẹ re bruru kugbe ẹdidjala re vwẹ evun ri Zayọn. Vwẹ evun rẹ ophu ọgangan rọye na ọ da siẹn ivie vẹ irherẹn.

Izikiẹl 16:13

Kẹ enẹ a vwẹ oro vẹ idọnọ vwọ rhuẹrẹ owẹ oma, ewun wẹn kẹ omamọ rẹ ukpoyibo, vẹ esada, kugbe emwa re rhuori, wọ da re omamọ rẹ eyagha rẹ ọka vẹ ọnyọn kugbe evwri. Wọ da rhe rho yoyovwi, wo de rhi te ẹdia rẹ uvie.

Izikiẹl 16:14

Usi wẹn de rhi titi ro ohri rẹ ẹgborho na ejobi fiki rẹ erhuvwu wẹn, kidie ọ gbare fiki rẹ erhuvwu re me vwọ kẹ wẹ, eriyin Ọrovwohwo Ọghẹnẹ tare.

Izikiẹl 23:32

E nẹ Ọrovwohwo Ọghẹnẹ tare: Wọ cha da uko rẹ oniọvo wẹ rẹ ọmọtẹ rọ pha kokodo rhuarho; ka hwẹ wẹ ka vwẹ owẹ jehwẹ, kidie ọ vọnre vẹ emu buebu,

Izikiẹl 25:6

Kidie e nẹ Ọrovwohwo Ọghẹnẹ tare: Fikiridie wọ teye abọ wẹn wọ da vwẹ awọ teye otọ wo da ghọghọ vẹ ọnko rọ vọn udu wẹn kpahe otọ rẹ Izrẹl,

Izikiẹl 5:15

Ku wọ cha dia ohwo rẹ ehwẹjẹ vẹ oharebro, okpaẹkpa vẹ ometuo vwọ kẹ ẹgborho re riariẹ owẹ phihọ na, vwẹ ọke me da vwẹ owẹ gu ẹdjọ vwẹ evun rẹ ophu mẹ vẹ ivuemiovwo mẹ, kugbe efafa rẹ ivuemiovwo mẹ–Mẹvwẹ, Ọrovwohwo na, re tarọ–

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Maika 6:16

Kidie wọ je sẹro rẹ irhi rẹ Omri, kugbe iruo rẹ uwevwi rẹ Ehab; wọ da yan nene iroro rayen; rere mi vwo ru we dia ofefe, ihwo re dia evun wẹn ke fiọn unu yan; ọtiọye na ku wọ ghwa oghwa rẹ ehwẹjẹ rẹ ihwo na.

Nahum 3:19

O rhe vwo ohwo ro bruche rẹ odjadja wẹ-ẹn ora wẹn na ọrhuarho ihwo ri nyo ikun wẹn ejobi ke teyọ abọ ghwẹ phihọ owẹ. Kono ọnana je bro cha, rẹ uvumwemwu wẹn jẹ oma e te?

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.

Matiu 27:39

Ihwo re yan vrẹn mi mienu phihọ ayen mi kpogho uyovwi,

Iyẹnrẹ Esiri ri Mak 15:29

Otu re wan vrẹn da vwọ jẹ ehwẹ, kpogho uyovwi rayen, nẹ Eghwo! wẹ rọ guọghọ uwevwi rẹ ẹga na ọ me bọn ẹdẹ erha na,