Uvwerhe 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Uvwerhe 2:11 ပူးပေါင်းရင်းမြစ်များ

ỌBE RẸ JOB 16:13

esedada rọye yariẹ ovwẹ wan. Ọ sa ibiehu mẹ rhie phihọ, o ju vwe vwo-o, o kuẹ ukpaphrẹ mẹ kuotọ.

ỌBE RẸ JOB 30:27

Udu mẹ hẹ evun rẹ ogidi, ọ rha fọ-ọ, ẹdẹ rẹ ukpokpogho da rhe vwa vwẹ.

Une rẹ Ejiro 119:82

Ẹro mẹ djeri kidie me ra diaotọ hẹrhẹ ive wẹn; Me da nọ, Ọkevọ wo che vwo bru vwe uche?

Une rẹ Ejiro 22:14

A kpare ovwẹ ku kerẹ ame, ibeku mẹ ejobi nẹ ẹka; udu mẹ epha kerẹ orhọrhe, rọ wrare vwẹ evun mẹ;

Une rẹ Ejiro 31:9

Ni arodọvwẹ mẹ, E Ọrovwohwo, kidie mi ukpokpogho, ẹro mẹ dọnre fiki rẹ uvwerhe, te ẹnwẹ mẹ kugbe ugboma mẹ ejobi rhe.

Une rẹ Ejiro 38:8

Me ranvwiẹ re tototo oma bruku; Me ra guan vwi fiki rẹ oseghe rọ hẹ udu mẹ.

Une rẹ Ejiro 6:7

Ẹro mẹ ra kaka muẹ fiki rẹ uvwerhe mẹ, ọ ra rhọ vwẹ fiki rẹ ivwighrẹ mẹ.

Une rẹ Ejiro 69:3

Oma re oviẹ mẹ rhọ vwe, upho mẹ ọ yamu Ẹro mẹ rhi dje koi re me vwọ hẹrhẹ Ọghẹnẹ mẹ.

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Aizaya 38:14

Kerẹ ọmọphrorise eyẹ obo ọtiọye me pharha, Mi ro brenu kerẹ inekuku. Oma rhọ ẹro mẹ ri mi vwo nẹ enu na. E Ọrovwohwo, e shenyẹ vwẹ, gba re esarobọ mẹ!

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 44:7

Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 5:17

Fiki rẹ ọtiọna na udu rẹ avwanre kọ mwa ọga; fiki rẹ emu nana ẹro rẹ avwanre dje mu koi,

Iyẹnrẹ Esiri ri Luk 23:29

Kidie nighe, ẹdẹ cha rẹ ayen da cha ta, Ebruba kẹ ẹga, kugbe evun rẹ ọmọ je ro dẹvo-o, kugbe evie re ji vie dẹvo-o!

1 Samuẹl 30:4

Etiyin Devid vẹ ihwo re vẹ ọye gba herọ teye ugoroviẹ, ayen da viẹ bẹsiẹ rẹ oma vwo ro ayen.