Uvwerhe 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Uvwerhe 2:10 ပူးပေါင်းရင်းမြစ်များ

2 Samuẹl 13:19

Tama da ghwẹ iwurhie ku uyovwi rọye, ọ da bẹrẹ ewun rọye ro ku phihọ, o de mu obọ kpahe uyovwi ọ da viẹ yanran.

Aizaya 15:3

ayen vwẹ isiso rhuo vwẹ evun rẹ irhuvwu, vwẹ enu rẹ uwevwi kugbe evun rẹ ọsuere kohwo kohwo beroma ayen wran vwẹ ovie.

Aizaya 3:24

Kpe rẹ ishani ọnrhe kọye che gbo phia; vwe asan rẹ umuehu, ke ufi; kpe re ẹton ra riẹn me kẹ akpan, kpe rẹ omamọ rẹ adagba, kẹ erharhimi; kpe rẹ erhuvwu, kẹ omaẹvuọ.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Aizaya 36:22

Etiyin Eliakim rẹ ọmọ ri Hilkaya, rọ dia onotu rẹ evwruwevwi na, kugbe Shebna rẹ osiẹbe, kugbe Joah rẹ ọmọ rẹ Asaf, rẹ okeri, de bru Hẹzikaya rhe vẹ emwa ebẹbẹre ayen da vuẹ eta ejobi ri Rabshekeh tare.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Aizaya 47:5

Tidia fo gbiẹi, yanran kpo evun re ebri, E ọmọtẹ ri Kaldia, kidie e gbi che se we ọfa nẹ oni rẹ uvie

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Uvwerhe 3:28

E jẹn ọye ọvo tidia fọ gbiei siẹ ro de muo nyẹ nu.

Uvwerhe 4:16

Okpuyovwi rẹ Ọrovwohwo ọvo cha hra ayen ejobi, o gbi che se ayen gbe emuọvo ọfa-a, ọghọ gbe herọ kẹ irherẹn na-a, ẹroesiri gbe herọ kẹ ekpakọ na-a.

Uvwerhe 4:5

Ihwo re re unuavwerhe e ra ghwọrọ vwẹ evun rẹ urhuvwu, otu re vwẹ isene yono emua erhuo broma phihọ iwurhie.

Uvwerhe 5:12

A gba abọ rẹ isun si enu, e gbi rhe mu ọghọ kẹ ekpako-o.

Uvwerhe 5:14

Ekpako na yan jẹ unu ra wa rua orere vwo; imighene je yan jẹ ihwehworo vwo.

Izikiẹl 27:30

ayen da teye ugoroviẹ kẹ wẹ, ayen da viẹ oviẹ ro muenu. Ayen da ghwẹ iwurhie ku iyovwi rayen ayen de bruoma phihọ iwurhie.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Joẹl 1:8

Viẹ kerẹ ọmọtobẹ ra vwẹ esiso rhuo re suẹn rhe ọshare rẹ ọtarhe rọye.

Emọs 5:13

Fiki rẹ ọtiọye na ohwo ro vwo ọhọ ko rhurhu unu vwẹ ọke yena; fikiridie ọye ọke umwemwu.

Emọs 8:13

Vwẹ ẹdẹ yena emetobẹ iyoyovwi vẹ imighene ki shero fiki rẹ urhuruame.

Emọs 8:3

Ine rẹ uwevwi rẹ Ọghẹnẹ na, ko che hirhe phihọ oviẹ vwẹ ẹdẹ yena, eriyin Ọrovwohwo Ọghẹnẹ na tare, irivwi na ke cha dia buebu, vwi kasan kasan ke che mu aycn kufia runrun.

Jona 3:6

Etiyin ikun de re duvwu ovie ri Ninivẹ, o de vrẹn nẹ ekete rọye ọ da ghwiẹ adagba rọye nu, ọ da vwẹ isiso rhuo, o de bru oma phihọ iwurhie.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

Ẹvwọphia 18:19

Ayen da ghwẹ ekpẹn ku iyovwi rayen, rẹ ayen vwọ viẹ muomahọ, kperẹ nẹ Eghwo, eghwo, wẹ orere rode na asan rẹ ihwo ri vwo ekọ vwẹ abadi da wan oma rọye fe! Vwẹ unọke ọvuọvo na a ghwọerọ kufia.