Uvwerhe 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 1:8 ပူးပေါင်းရင်းမြစ်များ

Jẹnẹsis 3:7

Kọye ẹro rayen ivẹ de rhie, ayen da riẹn nẹ ayen ban phihọ, ayen de ko ẹbe ri fig kugbe vwo ru amwa vwo rhuo oma rayen.

1 Ivie 9:6

Ẹkẹvuọvo wo de chuko ku wo gbi nene uvwe-e, wẹ eyẹ emọ wẹn, wọ gbe rha yọnrọn irhi mẹ kugbe iji mẹ re Me vwọ kẹ wẹ na-a, ẹkẹvuọvo wọ da ra ga edjọ efa wọ da gọ ayen,

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

1 Ivie 9:9

Etiyin kẹ ayen ta, Fikiridie ayen sen Ọrovwohwo Ọghẹnẹ rayen rọ reyọ esẹ rayen nẹ otọ rẹ Ijipt rhe, ayen da ra djẹ gbane edjọ efa, ayen da gọ ayen fiki rẹ ọtiọye na ọye Ọrovwohwo vwọ vwẹ ukpokpogho nana vwo rhe ayen.

Aizaya 47:3

A cha mrẹ ẹba wẹn, omaevuo wẹn ka cha mrẹ Me cha reihri, mi ji ohwo ọvuọvo vwo-o.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 13:26

Mẹvwẹ ọvo cha kpare eshamwa wẹn rhurhu opharo wẹn, ka mrẹ omẹvuọ wẹn.

Jerimaya 15:4

Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 6:28

Ayen ejobi gan udu ayen vwọ so vwẹ ayen ihwo ri miovwo ihwo ẹrovwo vẹ utehru ayen ruẹ, ayen ejobi miovwi re tototo.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Uvwerhe 1:17

Zayọn riẹn abọ rọye phia, ẹkẹvuọvo o gbi vwo ohwo ọvuọvo ro bruche-e, Ọrovwohwo ta ota kpahe Jekọp nẹ otu re dia kẹrẹ ke dia ivwighrẹ rọye, Jerusalẹm rhe dia emu ogbegbe vwẹ ohri rẹ ayen.

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Uvwerhe 4:21

Ghọghọ re oma vwerhe owẹ, E emetẹ rẹ Idọm, ovwan re dia otọ rẹ Uz; ẹkẹvuọvo uko na je cha wan ovwan vrẹn; idi ki che mu ovwan kẹ ovwan cha ban phihọ.

Izikiẹl 23:29

Omaetuo kọye ayen vwo nene uwe yeri, ayen me ghwẹ erere rẹ owian wẹn reyọ, ayen ke yan ju we vwo ẹbẹban hrohro, ka mrẹ ẹban rẹ igberadja wẹn. Ẹban wẹn kugbe igberadja wẹn

Izikiẹl 23:46

Kidie e nẹ Ọrovwohwo Ọghẹnẹ tare: Reyọ urogho rhe rhe vwo so ayen, gba vwẹ ayen ru emu rẹ uguegue kugbe emu rẹ ugborho.

Izikiẹl 39:23

Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe.

Hosia 2:10

Asakiephana ke me ban amwa no vwẹ obaro rẹ esen rọye, ohwo ọvuọvo gbi se sio nẹ obọ mẹ-ẹ,

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.