Uvwerhe 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.

Uvwerhe 1:3 ပူးပေါင်းရင်းမြစ်များ

Ivie rẹ Ivẹ 25:11

Ihwo ri chekọ vwẹ evun rẹ orere na, vẹ ihwo re djẹ va ovie ri Babilọn abọ jovwo, kugbe umuku rẹ ihwo ra yan jovwo vwẹ evun rẹ orere na, yẹ Nebuzaradan onotu rẹ ohẹrhẹ na mu kpo Ighuvwu.

Ivie rẹ Ivẹ 25:21

Ovie ri Babilọn na da teyọ ayen hwe, o de hwe ayen ghwu vwi Ribla rọ evun rẹ otọ ri Hamat. Ke mu Juda nẹ otọ rọye kpo ighuvwu.

Ivie rẹ Ivẹ 25:4

Orere na kọ rhe vẹn; ovie na vẹ ituofovwi rẹ eshare na ejobi da djẹ vwẹ ason wan anurhoro rọ hẹ uvwre rẹ igbẹhẹ ivẹ na rẹ oma rẹ ogba rẹ ovie na, dede na yẹn ihwo ri Kaldia yariẹ orere na phihọ. Ayen da yan gare opharo vi obo Araba.

Ivie rẹ Ivẹ 25:5

Ẹkẹvuọvo ituofovwi ri Kaldia da vwọ tua ovie na, ayen da djẹ muo vwẹ ogo ri Jẹriko; ituofovwi rọye ejobi da hrabọ jovwo.

Jerimaya 13:19

Irere ri Nẹgẹb na, a karẹ ẹchẹ gbe ayen o gbi vwo ohwo ro rhiẹ aye-en; E mu Juda ejobi kpo ighuvwu, ayen ejobi tototo kpo ighuvwu.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 39:9

Etiyin Nebuzaradan, onotu rẹ ohẹrhẹ na, de mu ihwo ri chekọ vwẹ orere na ighuvwu kpo Babilọn, tẹ ihwo re djẹ bro, vẹ ihwo ri chekọ.

Jerimaya 52:15

Ọye Nebuzaradan olotu rẹ ohẹrhẹ na de mu ihwo ẹvo re ma dia igbere vwẹ ihwo na vẹ otu ri chekọ vwẹ orere na kugbe otu rẹ djẹre na ighuvwu rhe ovie ri Babilọn, ji kugbe otu rẹ ewena ri chekọ.

Jerimaya 52:8

Ẹkẹvuọvo unofovwi ri Kaldia da vwọ tua ovie na, ayen da vwa Zẹdikaya vwẹ uphephẹ ri Jerikọ, unofovwi rọye ejobi da hra jovwo.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Uvwerhe 4:15

Wan nẹ etiyin! Ovwan re pha gbegbe na! ihwo ki kperẹ kẹ ayen; wan nẹ etiyin! Wan nẹ etiyin! We dje obọ te-e! Ayen de rhi hirhe phihọ ovwisunsun vẹ osoghoro; ihwo ke ta vwẹ ohri rẹ ẹgborho na, Ayen vẹ avwanre gbe dia kugbe ọfa-a.

Uvwerhe 5:5

Ọghrọrọn rẹ ohọre rẹ avwanre kọye e vwo si avwanre, oma rẹ avwanre gbi vwo omaerovwo-o.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Urhi Rivẹ 28:48

ku wa cha ga ivwighrẹ rẹ ovwan rẹ Ọrovwohwo che ji nẹ i mu kpahe ovwan, vwẹ owẹvwe vẹ urhuru rẹ ame, vwẹ ẹbẹba, vẹ ọkarovwe ri kemu kemu ejobi, ko che phi urhekpe rẹ utehru phihọ ohọre rẹ ovwan, bẹsiẹ rọ vwọ ghwọrọ ovwan nu.