Uvwerhe 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Uvwerhe 1:21 ပူးပေါင်းရင်းမြစ်များ

Une rẹ Ejiro 35:15

Ẹkẹvuọvo me da ghwa yẹghrẹ ayen mi ghwe bi koko vwẹ aghọghọ, ayen ghwẹ koko vwọ so vwẹ, ikpihwo re me riẹnre-e ke phọphọ ovwẹ o rhe fue-e,

Une rẹ Ejiro 37:13

ẹkẹvuọvo Ọrovwohwo ra hwẹ ohwo umwemwu, kidie ọ mrẹre nẹ ẹdẹ rọye ra cha.

Une rẹ Ejiro 38:16

Kidie me re, takpe wo jẹn ayen ghọghọ ovwẹ-ẹ, ayen otu re yeyan kpahe ovwẹ vwẹ ọke rẹ owọ mẹ vwọ ghworiẹ!

Aizaya 14:5

Ọrovwohwo vwirhi ọkpọ rẹ oruimwemwu nure, ọkpọ rẹ isuesun rẹ ivie,

Aizaya 14:6

rọ vwẹ ophu ghwiẹ ihwo she vwẹ ubiedje ro je fue na, rọ vwẹ ophu suẹn irere na vẹ omukpahe ro je fue.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 48:27

Izrẹl rha dia ehwẹjẹ kẹ wẹ jovwo? A mrẹrẹ vwẹ ohri rẹ iji dẹvure, vwẹ ọke kọke wọ da ta ota rọye wo mie kpogho uyovwi?

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 50:31

Nighe, me vwọ so owẹ, E ọ ro herẹ na, Ọrovwohwo Ọghẹnẹ rẹ otuofovwi na tare, kidie ẹdẹ wẹn rhire, ọke ri mi che vwo hwe we.

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Jerimaya 51:49

Fiki rẹ ihwo rẹ Izrẹl re hweri na Babilọn se she, vwọ kẹ Babilọn o she kẹ ehwe rẹ akpọ na ejobi.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Uvwerhe 1:22

Gbe jẹ obrarba rayen bru uwe rhe; rere wo ru ayen kirobo ri wo ru vwe vwi fiki rẹ ogbeku mẹ ejobi; kidie iguegu me pha buebu udu mẹ ki rhe sherua.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 2:15

Otu re wan idjẹrhe na vrẹn ejobi da fa abọ kẹ owẹ, ayen fiunu ji kpogho uyovwi kẹ ọmọte ri Jerusalẹm, “Ọ nana tobọ hẹ orere re se nẹ erhuvwu rọ ghare na aghọghọ rẹ akpọ na ejobi na?”

Uvwerhe 2:16

Ivwighrẹ wẹn ejobi herọ ghwọ ku we, ayen fiunu ayen ria akọ, ayen kperi avwanre guọgherọ Ẹhẹn ọnana ẹdẹ rẹ avwanre rhẹro rọye na, asakiephana o te avwanre obọ re avwanre mrẹrẹ re!

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Joẹl 3:14

Urogho, urogho, vwẹ evun rẹ iyara rẹ orhiebro! kidie ẹdẹ rẹ Ọrovwohwo na kẹrire vwẹ evun rẹ Iyara rẹ orhiebro.

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.