Uvwerhe 1:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 1:20 ပူးပေါင်းရင်းမြစ်များ

ỌBE RẸ JOB 30:27

Udu mẹ hẹ evun rẹ ogidi, ọ rha fọ-ọ, ẹdẹ rẹ ukpokpogho da rhe vwa vwẹ.

ỌBE RẸ JOB 33:27

ọ da sọ ine vwẹ obaro rẹ ihwo, ta nẹ, Mi ru imwemwu, mi de ku emu esiri rhẹriẹ, a hwa osa rọye kẹ vwẹ-ẹ.

Une rẹ Ejiro 22:14

A kpare ovwẹ ku kerẹ ame, ibeku mẹ ejobi nẹ ẹka; udu mẹ epha kerẹ orhọrhe, rọ wrare vwẹ evun mẹ;

Une rẹ Ejiro 38:8

Me ranvwiẹ re tototo oma bruku; Me ra guan vwi fiki rẹ oseghe rọ hẹ udu mẹ.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 16:11

Fiki rẹ eriyin na erhi mẹ ro brenu kerẹ owanre fiki ri Moab, eriyin udu mẹ je epha kẹ vwọ Kir-heres.

Aizaya 38:14

Kerẹ ọmọphrorise eyẹ obo ọtiọye me pharha, Mi ro brenu kerẹ inekuku. Oma rhọ ẹro mẹ ri mi vwo nẹ enu na. E Ọrovwohwo, e shenyẹ vwẹ, gba re esarobọ mẹ!

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 14:20

Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 2:35

Wọ ta, Evun mẹ fọnro, omuẹro o si ophu mẹ nẹ evun re. Nighe, me cha reyọ owẹ vwo guẹdjọ re wọ vwọ ta nẹ “mi ru umuemu-u.”

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 48:36

Ọtiọye na udu mẹ ko vwerhoma oma kẹ Moab kerẹ owanre, udu me je vwerhoma kerẹ owanre kẹ ihwo ri Kaheres; vwẹ ọtiọye na efe rẹ ayen kọn koko da ghwọrọ.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 1:9

Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Uvwerhe 5:16

Erhu rẹ uvie na she nẹ uyovwi rẹ avwanre; ekan kẹ avwanre, kidie avwanre ru imwuemwu!

Izikiẹl 7:15

Ọlọkọ ọ hẹ uphephẹ, emiavwe vẹ owẹvwe hẹ evun rẹ uwevwi, ọ rọ hẹ obo uphephẹ ghwu ughwu rẹ ọlọkọ; ọ rọ hẹ obo evun rẹ orere owevwe te emiavwe ke ghwọrọ.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Urhi Rivẹ 32:25

Vwẹ uphephẹ kẹ ọlọkọ nyavwe ayen oshọẹdjẹ kọ dia ivun na, rọ guọghọ imighele rẹ eshare vẹ ọmọtobẹ, te ọmọ ri viẹ evie kugbe ọmare.