Uvwerhe 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 1:19 ပူးပေါင်းရင်းမြစ်များ

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Uvwerhe 5:12

A gba abọ rẹ isun si enu, e gbi rhe mu ọghọ kẹ ekpako-o.