Uvwerhe 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Uvwerhe 1:15 ပူးပေါင်းရင်းမြစ်များ

Ivie rẹ Ivẹ 9:33

Ọ da ta, Do phihọ otọ. Ayen de do phihọ otọ; ọbara rọye da sare ku ighẹhẹ vẹ iyesi, ayen de chiyo muotọ.

Une rẹ Ejiro 119:118

Wọwẹ re vwẹ otu ri beghe jẹ egba wẹn vwo vwọ jehwẹ; uyota, ẹghwanre rayen ofefe.

Aizaya 28:18

Etiyin na ọphọ ro wọ vẹ ughwu rere na ya chọre, obọ echuro wẹn vẹ ushi na gbi mudia-a; vwẹ ọke rẹ ọtieko rode na da cha wan vrẹn kọ cha teyọ owẹ she.

Aizaya 41:2

Ọ rọ kparẹ ọvo vrẹn nẹ obaro ọnre rhe ro phiẹ kparobọ vwẹ ichiyi kichiyi? O siobọ nẹ ẹgborho na kẹ, rere ọ vwọ mrasan chiyi ivie na muotọ, ọ me vwẹ ọlọkọ rọye ru ayen kerẹ iwurhie, ọ me vwẹ umurhabọ rọye sa ayen kerẹ iphopho

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Jerimaya 13:24

Me cha hra wẹ kere iphopho rẹ odju rẹ aton muẹ.

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Jerimaya 50:26

Yanrhe vwọ suọ ni kabọ kabọ rhe; rhie erhu rẹ eka roye, ghwẹ koko kerẹ ẹko rẹ eka, ra ghwọrọ tototo; wo jẹn ẹmu ọvuọvo chekọ vwọ-ọ

Jerimaya 51:34

Nebukadreza ovie rẹ Babilọn ọ re vwẹ, ọ guọghọ ovwẹ o ru vwe phihọ oravwọ ofefe, ọ rọ vwẹ kerẹ eniame, ọ vwẹ asan avwerhe mẹ vọn evun rọye, o mi vwe kufia.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Uvwerhe 3:34

Rere o vwo chiyi otu re mu phihọ uwodi vwẹ akpọ na muotọ,

Daniẹl 3:13

Etiyin Nebukadreza vẹ ophu djọghọ djọghọ da ta nẹ a vwẹ Shadrak, Mẹshak vẹ Abẹdnigo rhe. Etiyin a da reyọ eshare nana rhe obaro rẹ ovie na.

Joẹl 3:13

Chọrọ oda rẹ ivuevun phihọ, kidie orhọ na ghwore. Ro evun rọye chiyo, kidie okọ ri vain na vọnre. ikpotọ na vọn mwavwe hwẹ, kidie umwemwu rayen rhoro gangan.

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Malakae 4:3

Ku wo che chiyi iruimwemwu na muotọ, kẹ ayen cha dia kerẹ iwurhie vwẹ obotọ rẹ ẹhẹrhowọ wẹn, vwẹ ẹdẹ ri mi che vwo ru ọnana, ọtiọye Ọrovwohwo rẹ otuofovwi na tare.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Iguẹdjọ 10:8

ukpe yena ayen de shenyẹ emọ rẹ Izrẹl je ghworọ fiotọ. Ikpe ihwe gbe ẹrenren ọye emọ rẹ Izrẹl dia obotọ rẹ ayen vwẹ otọ rẹ ihwo rẹ Amọr vwẹ abọ oboyi ri Jọdan rọ evun ri Giliad.