Uvwerhe 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Uvwerhe 1:11 ပူးပေါင်းရင်းမြစ်များ

Ivie rẹ Ivẹ 6:25

Owẹvwe de rhi fi gangan vwi Sameria, vwọ ọke rẹ ayen vwọ hwa riariẹ phihọ na, uyovwi rẹ ekẹtẹkẹtẹ da rhe ghare te shekẹl rẹ idọnọ efuanfon ujọne, ọvo ẹkẹn ẹne rẹ isọn rẹ ilekuku da rhe ghare te shekẹl rẹ idọnọ efuanfon iyori.

ỌBE RẸ JOB 40:4

Nighe, mi fi emuọvo-o; Kidie me kpahe kẹ wẹ? me vwẹ obọ rhurhu unu mẹ.

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Jerimaya 15:19

Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

Jerimaya 19:9

Ki mi che ru ayen re ayen da re ugboma rẹ emeshare vẹ emetẹ rayen, dohwo dugboma rẹ ọrivẹ rọyẹ ke cha re vwẹ ọke rẹ imu na vẹ ukpokpogho na, rẹ ivwighrẹ rayen vẹ otu re guọnọ arhọ rayen hwe che vwo kpokpo ayen.

Jerimaya 38:9

Ọrovwovwe ovie mẹ, ihwo nana ru bra rẹ ayen vwo mu Jerimaya rẹ ọmraro na phihọ evun rẹ orhare, owẹvwe che hwe ghwẹ, kidie ikara gbi chekọ vwẹ orere na-a.

Jerimaya 52:6

Ẹdẹ rirhiri rẹ emeranvwe rẹne owẹvwe da rhe gan gangan vwẹ orere na, rẹ emuọre rha herọ kẹ ihwo rẹ otọ na-a.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Uvwerhe 1:9

Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Uvwerhe 2:12

Ayen viẹ se ini rayen tanẹ, “Tivọ emu kugbe udi epha?” rẹ ayen vwo sherua kerẹ ihwo re wan oma vwẹ evun rẹ irhuvwu rẹ orere na. Ayen re ghwẹ phihọ abọ rẹ oni rayen.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Uvwerhe 5:1

Karophihọ E Ọrovwohwo, obo re phia kẹ avwanre, gbe ni ophọphọvwe rẹ avwanre!