Uvwerhe 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Uvwerhe 1:10 ပူးပေါင်းရင်းမြစ်များ

2 Ikun rẹ Ivie 36:18

Ekuakna rẹ uwevwi rẹ Ọghẹnẹ ejobi, te otete te ọrode, efe eghaghare rẹ uwevwi rẹ Ọrovwohwo na, kugbe efe rẹ uwevwi rẹ ovie kugbe isun na ejobi, enana ejobi eyẹ ọ kua kpo Babilọn.

Nehemaya 13:1

Vwẹ ẹdẹ yena ayen de se ne evun rẹ ọbe ri Mosis na ke ihwo na nyo; e de si phihọ evun rọye nẹ ihwo rẹ Amọr eyẹ ihwo ri Moab vwẹriẹ ọghwẹgbe rẹ Ọghẹnẹ-ẹ;

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Jerimaya 15:13

Te efe wẹn te ughwẹ wẹn ke cha dia emu rẹ iji ọphọphẹ diodi, fiki rẹ umwemwu wẹn, vwẹ asan rẹ otọ wẹn hẹre te ejobi.

Jerimaya 20:5

O rọ ma rhọ, me cha reyọ oyovwe rẹ orere rọye ejobi, efe rọye ejobi, kugbe ughwẹ rẹ ivie ri Juda ejobi phihọ obọ rẹ ivwighrẹ rayen, iri che cho ayen, re ghwẹ ayen reyọ, a me ghwa ayen kpo Babilọn,

Jerimaya 27:19

Kidie enẹ Ọrovwoihwo rẹ otuofovwi na ta kpahe ichivwo na, oze rẹ ame na, imẹjẹ na, je kpahe ekuakua ri chekọ vwẹ orere na.

Jerimaya 27:21

Enẹ Ọrovwohwo rẹ otuofovwi Ọghẹnẹ rẹ Izrẹl na tare kpahe ekuakua ri chekọ vwẹ uwevwi rẹ Ọrovwohwo na, vẹ uwevwi rẹ ovie ri Juda, vẹ Jerusalẹm:

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 51:51

A vwẹ avwanre jehwe, kidie me nyo ehweje, omaẹphọphọ rhurhu avwanre opharo, kidie erhorha rhe evun rẹ asan ọfuanfon rẹ uwevwi rẹ Ọrovwohwo na.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Izikiẹl 44:7

re ovwan vwọ reyọ erhorha, ri jẹyavwọ vwẹ udu vẹ oma, nẹ e ro ẹshẹ mẹ na, ri gbe ẹgua, vwẹ ọke ru wọ da vwẹ emuọre mẹ vwo ze izobo kẹ vwẹ, ivwri kugbe ọbara. We miovwo ọphọ mẹ vẹ ẹgua egbe rẹ ovwan.

Izikiẹl 7:22

Ki mi si ẹro me nẹ ayen, rere ayen mrasan gbe asan ọghaghare mẹ ẹgua; iji ke cha ruo i mi gbe ẹgua,

Izikiẹl 9:7

Etiyin ọ da ta kẹ ayen, Gbe uwevwi na ẹgua, re wo mu irivwi rayen vọn eguan na. Wa yanran. Ọtiọye ayen da yanran, ayen da ra guọghọ vwẹ evun rẹ orere na.

Iyẹnrẹ Esiri ri Mak 13:14

Re ovwan da ghwa mrẹ emu rẹ ẹguaegbe rọ nẹrhẹ asan vẹn ro mudia vwẹ asan rọ foro-o je jẹn ọ ro se riẹn otọ rọye, gbe jẹn otu re dia obi Judia djẹ kpo enu rẹ igbenu;

Urhi Rivẹ 23:3

Ohwo rẹ Ammọn eyẹ ọ ri Moab vuọvo sa ro ukoko rẹ Ọrovwohwo-o, rhiri re te esakpegodi rayen sa ro ukoko rẹ Ọrovwohwo bẹdẹ-ẹ;

Urhi Rivẹ 23:4

fikiridie ọke ri wo vwo nẹ otọ rẹ Ijipt cha, ayen reyọ ikara vẹ ame rhe vwọ vwa wẹ vwẹ idjerhe-e, fikiridie ayen durhie Balam ọmọ rẹ Beor nẹ Petor ri Mesopotemia rhe, rhe duvwu iyori hwe ovwan.