Urhi Rivẹ 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹro mrẹ ẹro ọye Ọrovwohwo vwo nene ovwan ta ota vwẹ ugbenu na nẹ uherevie rẹ erhanre na rhe,

Urhi Rivẹ 5:4 ပူးပေါင်းရင်းမြစ်များ

Urhi Rivẹ 34:10

Nẹ ọke yena rhe a gbe mrẹ ọmraro rọ họhọ Mosis vwẹ Izrẹl na-a, ohwo rẹ Ọrovwohwo vẹ ọye gba vwẹ opharo mrẹ ohwohwo na,

Urhi Rivẹ 4:36

Ọ nẹrhẹ owẹ nyo urhuru rọye nẹ evun rẹ odjuvwu rhe, rere o vwo se yono ovwan; vwẹ evun rẹ akpọ na wa vwọ mrẹ erhanre rọye rode na, ovwan de nyo eta rọye nẹ uherevie rẹ erhanre rhe.

Urhi Rivẹ 4:33

Ihwo ji nyo urhuru rẹ ọghẹnẹ rọ ta ota nẹ ohri rẹ erhanre rhe dẹvure kerẹ ọtiobo wo nyori na, rọ da je rhọ?

Ẹyano 19:9

Ọrovwohwo da ta kẹ Mosis, Nighe, Mi che bru we rhe vwẹ egho kpoi, rere ihwo na vwo nyo vwẹ ọke me da ta ota kẹ wẹ, rere ayen vwo se we gbuyota bẹdẹ. Etiyin Mosis da ghwẹ eta rẹ ihwo na rhe Ọrovwohwo.

Ẹyano 33:11

Enẹ kọye Ọrovwohwo nene Mosis ta ota hirhe aro ku aro, kerẹsiẹ rẹ ohwo a da ta ota kẹ ugbeyan rọye. Ọke ri Mosis de kuoma rhẹriẹ rhe evun rẹ erhọn na, odibo rọye Joshua rẹ ọmọ rẹ Nun, emeghele rẹ ọshare na rha jẹn owọ nẹ utughẹ na-a.

Ukeri 14:14

Ayen ke cha ta kẹ ihwo rẹ otọ nana. Ayen nyori, E Ọrovwohwo, nẹ wọ uherevie rẹ ihwo nana: kidie wẹ, E Ọrovwohwo, a vẹ owẹ ohwohwo rhie ẹro mrẹ ohwo, egho wẹn de mudia vwẹ enu rẹ ayen, wọ da ka obaro kẹ ayen, vwẹ ukori rẹ egho vwẹ uvo kugbe ukori rẹ erhanre vwẹ ason.

Ukeri 12:8

Me vẹ ọye ohwo hirhe unu ku ohwo ta ota, phephẹn ọ dia eta ikokodo-o; o de rhie ẹro mrẹ oma rẹ Ọrovwohwo. Die sorọ rẹ oshọ vwo jẹ ovwan emuo rẹ ovwan vwọ ta ota kpahe odibo mẹ Mosis?

Ẹyano 20:1

Ọghẹnẹ da ta eta nana ejobi, tanẹ,

Urhi Rivẹ 4:12

Kọye Ọrovwohwo da ta ota nẹ evun rẹ erhanre na kẹ ovwan; we nyo urhuru rẹ ota na, ẹkẹvuọvo wa mrẹ uhoho ọvuọvo-o; jokpa rẹ urhurhu na ọvo we nyori.

Urhi Rivẹ 4:15

Wa nabọ joma rẹ ovwan otọ gangan. Kidie wa mrẹ oghẹre rẹ uhoho ọvuọvo vwẹ ẹdẹ rẹ Ọrovwohwo ta ota kẹ ovwan vwi Horẹb vwẹ evun rẹ ogidi erhanre na-a;

Urhi Rivẹ 5:22

Enana eta rẹ Ọrovwohwo ta kẹ ukoko rẹ ovwan na ejobi vwẹ evun rẹ erhanre vwo obo ugbenu, vwẹ egho, vẹ ebri rode, kugbe urhuru rode nu; ọ gbe vwẹ ọfa ba-a. O de si ayen phihọ ẹbẹre rẹ eragha ivẹ Ọ da vwẹ ayen kẹ vwẹ.