Urhi Rivẹ 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ dia esẹ rẹ avwanre Ọrovwohwo nene re ọphọ nana-a, ẹkẹvuọvo avwanre o nene riọ, avwanre ejobi re je herọ nonẹ na.

Urhi Rivẹ 5:3 ပူးပေါင်းရင်းမြစ်များ

Jẹnẹsis 17:21

Ẹkẹvuọvo Aizik ọye ọphọ mẹ cha sẹ nene, ri Sera che vwiẹ kẹ vwẹ eghẹre ọtiọnana ukpe ọfa.

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 34:13

Enẹ Ọrovwohwo, Ọghẹnẹ rẹ Izrẹl tare: Mi nene esẹ rẹ ovwan re ọphọ re me vwọ reyọ ayen nẹ otọ rẹ Ijipt cha nẹ uwevwi rẹ ọviẹn, tanẹ:

Matiu 13:17

Uyota me ta kẹ ovwan nẹ, emraro buebu kugbe evwata buebu re guọnọre nẹ ayen mrẹ emu rẹ ovwan mrẹre na, yẹ ayen sa mrẹ-ẹ; re ayen ji nyo obo rẹ ovwan nyori na, yẹ ayen se nyo-o.

Urhi Rivẹ 29:1

Enana eta rẹ ọphọ na rẹ Ọrovwohwo vwọ kẹ Mosis nẹ o nene ihwo rẹ Izrẹl re vwẹ otọ ri Moab, vwọ ba ọphọronene ayen re vwi Horẹb.

Urhi Rivẹ 29:9

Vwẹ ọtiọye na gba jomaotọ wọ yọnrọn eta rẹ ọphọ nana, rere emu rẹ ovwan ru ejobi vwọ yovwi kẹ ovwan.