Taitọs 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kẹnoma kẹ aphro rẹ ẹkpa, vẹ ikun rẹ awanre, kugbe ohọnre ra vwọ guọghọ urhi; fikiridie ifefe, i fi erere ọvuọvo-o.

Taitọs 3:9 ပူးပေါင်းရင်းမြစ်များ

ỌBE RẸ JOB 15:3

kẹ ọ sa vwẹ eta ro vwo erere-e vwọ phro aphro, eyẹ kẹ eta re se vwo ru obo ri yovwi-i na?

1 Kọrẹnt 13:2

Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi.

1 Kọrẹnt 8:1

Asakiephana vwọ kpahe emu ra vwọ gọ iye; avwanre riẹnre nẹ avwanre ejobi vwo erianriẹn. Erianriẹn phuoma, ẹkẹvuọvo ẹguọnọ kpọ ohwo viẹ.

1 Timoti 4:7

Wọ kerhọn rẹ esia rẹ ekpa rẹ otu re riẹn Ọghẹnẹ-ẹ gbe-e. Vono oma wẹn phihọ nyoyovwi;

2 Timoti 2:14

Karohọ ayen kpahe ọnana, rere wo ji urhi kẹ ayen vwẹ obaro rẹ Ọrovwohwo nẹ ayen vwẹ eta na phra aphro-o, aphro ro fi emuọvo-o, ẹkẹvuọvo yọ de guọghọ udu rẹ ihworinyoro.

2 Timoti 2:16

Kẹnoma ke ọpata, kidie ọ cha nẹrhẹ ihwo dje oghighiru eruo,

2 Timoti 2:23

Wo nene ẹkpa, rhurhu phra aphro-o; wọ riẹnre nẹ i fi ẹghwọ.

Taitọs 1:14

Wo jẹn ayen davwerhọn rẹ ikun ifefe rẹ ihwo ri Ju-u, kugbe uyono efian rẹ ihwo ri ghwru nẹ idjerhe rẹ uyota na.

Jems 4:1

Die re suọ ẹghwọ vẹ ofovwi vwẹ uherevie rẹ ovwan na? Ọ dia avwerhe vẹ urhuru rọ hẹ oma rẹ ovwan re ghwa ofovwi cha-a?