Taitọs 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ rere ọke rẹ ẹserọphẹ rọye de brorhiẹ kẹ avwanre nu, avwanre sa vwọ reuku rẹ iphiẹrohọ rẹ arhọ ri bẹdẹ.

Taitọs 3:7 ပူးပေါင်းရင်းမြစ်များ

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Iyẹnrẹ Esiri ri Mak 10:17

Rọ vwọ yanran vwẹ idjerhe na, ohwo ọvo da djẹ bro ra, rhi diguẹ kẹ, ọ da nọ, Oyono, rẹ esiri, die mi ru mi vwo vwo arhọ ri bẹdẹ na?

Ọbe ri Pọl si rhe Ihwo ri Rom 11:6

Ẹkẹvuọvo ọ da dia ọ rẹ ẹserọphẹ, yọ gbe dia ifiki rẹ iruo ọfa-a; ọ da dia eriyin manẹ ẹserọphẹ gbe hẹ ẹserọphẹ-ẹ.

Ọbe ri Pọl si rhe Ihwo ri Rom 3:24

Ẹkẹvuọvo ase rẹ avwanre kẹ oma rẹ ẹserọphẹ vwẹ ẹkuoma rẹ ẹtanhirhe rọ hẹ Kristi Jesu.

Ọbe ri Pọl si rhe Ihwo ri Rom 3:28

Kidie a reyerọ nẹ esegbuyota ọye ohwo vwọ rease ọ dia fiki rẹ iruo rẹ urhi-i.

Ọbe ri Pọl si rhe Ihwo ri Rom 4:16

Kọye sorọ rẹ emu na vwọ hẹ obọ rẹ esegbuyota, rere ive na vwọ sa vwẹ oma da ẹserọphẹ rọ dia kri kẹ uvwiẹ rọye ejobi– ọ dianẹ kẹ ihwo re yọnrọn urhi na ọvo-o ẹkẹvuọvo je kẹ ayen otu ri vwo esegbuyota rẹ Ebraham, kidie ọye hẹ ọsẹ rẹ avwanre ejobi,

Ọbe ri Pọl si rhe Ihwo ri Rom 4:4

Vwọ kẹ ohwo ro ru iruo, e rhe se nẹ ẹse-e ẹkẹvuọvo kẹ osa.

Ọbe ri Pọl si rhe Ihwo ri Rom 8:17

avwanre da dia emọ, kẹ ereuku, ereuku rẹ Ọghẹnẹ kugbe ihwo ri vi Kristi gbe ko ko reuku, kirobo rẹ avwanre vẹ ọye re oja na eriyin avwanre vẹ ọye je ghọghọ kugbe te.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Galesha 3:29

O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.

Galesha 4:7

Ọtiọye na, vwẹ oma rẹ Ọghẹnẹ ovwan gbe dia ọviẹn ọfa-a, ẹkẹvuọvo kẹ ọmọ, wa da dia ọmọ kẹ ọmọwanran.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Taitọs 2:11

Kidie ẹserọphẹ rẹ Ọghẹnẹ rhe vwẹ oma phiare, ọ da vwẹ esivwo vwọ kẹ ihwo ejobi.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 11:9

Vwẹ esegbuyota ọye o vwo ghoro vwẹ otọ rẹ ive na, vwẹ otọ ọrhorha, yọ dia itughẹ ọ vẹ Aizik kugbe Jekọp, re vẹ ọye gbe koko reuku rẹ ive na.

Hibru 6:17

Vwẹ ọtiọye na ọke rẹ Ọghẹnẹ vwọ guọnọ dje gbagba ro muẹro kẹ ohwo rọ cha reuku rẹ ivẹ na ro je kuorhẹriẹ bẹdẹ na, o de duvwu iyori phihọ,

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Pita 3:7

Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.