Taitọs 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

Taitọs 3:5 ပူးပေါင်းရင်းမြစ်များ

ỌBE RẸ JOB 15:14

Die ohwo epha, rọ sa vwọ fuan? Eyẹ ọ rẹ aye vwiẹri na, rọ vwọ sa dia ọvwata?

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

ỌBE RẸ JOB 9:20

Owenẹ me dia ohwo esiri dede, unu mẹ ọvo ji bruhwe vwe, owenẹ me re abe-e dede, ọ je mrẹ oruchọ vwẹ obọ me.

Une rẹ Ejiro 130:7

E Izrẹl, phiẹro phihọ Ọrovwohwo na! Kidie obọ rẹ Ọrovwohwo ọye ẹguọnọ ro jẹ rhẹriẹ epha, kugbe ẹtanhirhe rọ vọn obọ rọye buebu.

Une rẹ Ejiro 143:2

Wọ vwẹ odibo wẹn guẹdjọ-ọ, kidie o vwo ohwo ọkpokpọ rọ sa dia ọvwata vwẹ obaro wẹ-ẹn.

Une rẹ Ejiro 51:10

Ma udu ọfuanfon phihọ evun mẹ, E Ọghẹnẹ ru wo phi erhi ọkpokpọ wẹn phihọ udu mẹ.

Une rẹ Ejiro 62:12

Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Matiu 3:11

Ame diodi rẹ ekuorhẹriẹ me vwọ kẹ ovwan na, ẹkẹvuọvo ọ rọ cha vwẹ obuko mẹ na, o gan nọ vwẹ, isabato rọye mi se te ohwo ro muo-o; ọye cha vwẹ Erhi Ọfuanfon vẹ erhanre vwọ họ ovwan.

Iyẹnrẹ Esiri ri Luk 1:50

Arodọvwẹ rọye herọ kẹ otu re djẹ oshọ rọye nẹ uvwiẹ re te uvwiẹ.

Iyẹnrẹ Esiri ri Luk 1:54

Ọ cha Izrẹl odibo rọye uko, vwẹ ẹkarohọ vẹ arodọvwẹ,

Iyẹnrẹ Esiri ri Luk 1:72

iruo rẹ arodọvwẹ ro ruru kẹ esẹ rẹ avwanre ride, kugbe ẹkarohọ rẹ ọphọ ọfuanfon rọye,

Iyẹnrẹ Esiri ri Luk 1:78

fiki rẹ arodọvwẹ rẹ Ọghẹnẹ rẹ avwanre, ọye Isio rẹ Urhiọke vwo nẹ enu bru avwanre rhe

Ọbe ri Pọl si rhe Ihwo ri Rom 11:14

rere ihwo mẹ ihwo ri Ju vwọ reoma kpahe ayen, se se sivwi ihwo evo rhọ.

Ọbe ri Pọl si rhe Ihwo ri Rom 11:6

Ẹkẹvuọvo ọ da dia ọ rẹ ẹserọphẹ, yọ gbe dia ifiki rẹ iruo ọfa-a; ọ da dia eriyin manẹ ẹserọphẹ gbe hẹ ẹserọphẹ-ẹ.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 3:28

Kidie a reyerọ nẹ esegbuyota ọye ohwo vwọ rease ọ dia fiki rẹ iruo rẹ urhi-i.

Ọbe ri Pọl si rhe Ihwo ri Rom 4:5

Ẹkẹvuọvo vwọ kẹ ohwo ro ru iruo-o ẹkẹvuọvo rọ da vwẹ ẹro so ohwo rọ vwẹ ase kẹ ohwo umwemwu, esegbuyota rọye ke kere phihọ ọvwata.

Ọbe ri Pọl si rhe Ihwo ri Rom 9:11

dede na ye ji vwiẹ aye-en re ji vughe erhuvwu vẹ obrabra raye-en, rere idjerhe rẹ Ọghẹnẹ vwọ sanọ ihwo vwo mudia, ọ dia fiki rẹ iruo-o ẹkẹvuọvo fiki rẹ use rọye,

Ọbe ri Pọl si rhe Ihwo ri Rom 9:16

Vwẹ ọtiọye na ọ dianẹ kẹ obo rẹ ohwo guọnọ te-e eyẹ obo rọ wian te-e, ẹkẹvuọvo arodọvwẹ rẹ Ọghẹnẹ.

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

Galesha 2:16

dede ye riẹnre nẹ ohwo sa vwi fiki rẹ iruo rẹ urhi na rease-e ẹkẹvuọvo vwẹ oma rẹ esegbuyota vwi Jesu Kristi, mrẹmrẹ avwanre vwo esegbuyota vwẹ Jesu Kristi, rere vwẹ esegbuyota vwẹ oma ri Kristi avwanre vwọ sa rease, ọ dianẹ kẹ fiki rẹ iruo rẹ urhi na-a, fikiridie ọ da dia fiki rẹ iruo rẹ urhi na ohwo ọvuọvo sa rease-e.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

Ẹfesọs 4:23

Rere a rhoma rhiọ ovwan vwẹ evun rẹ erhi rọ hẹ udu rẹ ovwan,

Ẹfesọs 5:26

rere o vwo ruo fon, rere ọ vwẹ ame rẹ ota rọye hworhẹ fon,

Urhi Rivẹ 9:5

Ọ dia fiki rẹ ọvwata wẹn eyẹ ẹvun ẹfuọ wẹn wọ ra vwọ dia otọ na-a; ẹkẹvuọvo fiki rẹ umwemwu rẹ ẹgborho nana Ọrovwohwo Ọghẹnẹ wẹn vwọ djẹ ayen nẹ obaro wẹn, rere ọ mrasan ru ive ro veri kẹ esẹ rẹ ovwan na gba, kẹ Ebraham, kẹ Aizik, ki Jekọp.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Taitọs 3:4

Ẹkẹvuọvo ọke rẹ arodọvwẹ rẹ erhuvwu kugbe ẹguọnọ rẹ Ọghẹnẹ Ọsivwi rẹ avwanre vwọ phiare,

Hibru 10:22

e gbe jẹ avwanre vwẹ udu esiri rọ vọnre vẹ esegbuyota vwo si kẹrẹ, re avwanre si emu ọbrabra nẹ iroro rẹ avwanre ra vwẹ omamọ rẹ ame họ ugboma rẹ avwanre.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

Hibru 6:6

Rẹ ayen da rhoma rhi she; fikiridie kẹ ayen rhe rhoma kanre Ọmọ rẹ Ọghẹnẹ na mu agbagba san kẹ oma rẹ ayen, ayen da phọphọ vwẹ azagba.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.

1 Pita 3:21

Ame ẹreyọ na, rẹ ọ vẹ ọnana shephihọ na, o sivwẹ ovwan vwẹ asakiephana, o dia inuhu rẹ ugboma a hworhẹ fia-a ẹkẹvuọvo ọye ota rẹ evun ọfuanfon kẹ Ọghẹnẹ, vwẹ oma rẹ evrenushi ri Jesu Kristi,