Taitọs 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Taitọs 3:2 ပူးပေါင်းရင်းမြစ်များ

2 Samuẹl 22:36

Wọ je vwẹ ekpọfia rẹ esivwo wẹn kẹ vwẹ ọchuko wẹn nẹrhẹ ovwẹ rho,

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Isẹ 19:19

Ohwo ro mu ophu ọgangan cha hwa osa rọye, kidie wo de sivwo obọvo nu, wọ je cha vwariẹ.

Isẹ 25:24

Oyovwi kẹ ohwo rọ vwọ dia ama akakọ vwẹ obenu rẹ uwevwi nọ ra vẹ aye rọ kunu vwọ dia uwevwi ọvo.

Isẹ 6:19

oseri rẹ efian rọ vwọrọn efian, kugbe ohwo ro phiẹ ohra phihọ ohri rẹ iniọvo.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Iruo rẹ Iyinkọn na 23:5

Pọl da ta, Me riẹnre rẹ, imoni, nẹ orherẹn rode rẹ; kidie e siro nẹ, Wo yivwaro kpahe osun rẹ ihwo wẹ-ẹn.

1 Kọrẹnt 6:10

eyẹ iji, eyẹ ọvwurhuru, eyẹ ọgbidi, eyẹ ọharhekan, eyẹ ogborhugborho sa reuku rẹ uvie rẹ Ọghẹne na-a.

1 Kọrẹnt 9:19

Kidie dede nẹ me dia ọviẹn rẹ ohwo ọvuọvo-o na, ye me vwẹ oma mẹ ru ọviẹn kẹ ihwo ejobi, rere mi vwo se ku ihwo buebu rhẹriẹ.

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Galesha 6:1

Imoni, ohwo ru umwemwu, ovwan re herọ vwẹ evun rẹ Erhi na me vwẹ erhi dẹndẹn vwọ reyọ rhe. Ni oma wẹn te, ọ dia ọtiọye-e a da rha davwe owẹ ni.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

Filipae 4:5

E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

1 Tẹsalonaika 2:7

Ẹkẹvuọvo avwanre ruru dẹndẹn vwẹ ohri rẹ ovwan, kerẹsiẹ rẹ ọmiọvwọ a da ghẹrẹ emọ rọye.

1 Timoti 3:11

Eya na me je dia ihwo rẹ use na nabọ we, e ta avwravwra-a, ẹkẹvuọvo e me dia fuefu, ri vwo esegbuyota vwe emu ejobi.

1 Timoti 3:3

ọ dia ọgba-udi-i, ọ dia ohwo gudu gudu-u ẹkẹvuọvo ohwo dẹndẹn, ọ dia ohwo rẹ ẹghwọ-ọ, o nenesi rẹ igho-o.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.

1 Pita 3:10

Kidie. Ohwo rọ guọnọ arhọ rọ guọnọ ẹdẹ esiri mrẹ, e jo si ẹrenvwe rọye nẹ eta ebrabra rere ẹbẹrunu rọye vwo jẹ eta rẹ abe eta;

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Pita 4:4

Ko gbe ayen unu nẹ asakiephana ovwan gbi rhe nene ayen do edo yangha yangha na-a, kẹ ayen harha ovwan;

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.

Ọbe ri Jud 1:10

Ye ihwo nana di muẹ ekan harha kpahe emu rẹ ayen riẹn otọ rọye-e, kerẹ eranvwe re riẹn emuọvo-o, kẹ eriyin ayen di muẹ ruẹ, ọ da nẹrhẹ a ghwọrọ ayen.

Ọbe ri Jud 1:8

Uruemu nana ihwo nana vwẹ evun re vwerhẹ evwerhẹ rayen de gbe ugboma na ẹgua, ayen da sen ogangan rẹ isuesun na, ayen da ghwọ ku ihwo rẹ urinrin na.